Congress vs BRS : ఇరు పార్టీల మధ్య రైజ్ అవుతున్న ప్రాజెక్ట్ ల వార్

Congress vs BRS : ఈ ప్రాజెక్ట్లపై రోజురోజుకూ పోరు మరింత ముదురుతోంది. అధికార పక్షం, ప్రధాన ప్రతిపక్షం ప్రస్తుతం మహాసభలు నిర్వహిస్తున్నాయి. ఉత్తర తెలంగాణ లో కాంగ్రెస్‌, దక్షిణ తెలంగాణ లో బీఆర్‌ఎస్‌ నాయకత్వం వహిస్తున్నాయి. త్వరలో మేడిగడ్డకు కాంగ్రెస్‌, నల్గొండకు బీఆర్‌ఎస్‌ చేరనున్నాయి. ఉదయం 11 గంటలకు అసెంబ్లీ  నుంచి ప్రత్యేక బస్సుల్లో కాంగ్రెస్ ఎమ్మెల్యేలు మేడిగడ్డకు చేరుకుంటారు. అసెంబ్లీ సమావేశాల అనంతరం బీఆర్‌ఎస్ ఎమ్మెల్యేలు నల్గొండ చేరుకునే అవకాశం ఉంది.

Congress vs BRS Comments

కాళేశ్వరం నిర్మాణ లోపాలను ఎత్తిచూపేందుకు ప్రభుత్వం నేడు మేడిగడ్డలో అఖిలపక్ష పర్యటనను ఏర్పాటు చేయనుంది. సీఎం రేవంత్ రెడ్డి కూడా తన ఎమ్మెల్యేలతో కలిసి కాళేశ్వరం వెళ్లాలని యోచిస్తున్నారు. సోమవారం నాటి సమావేశంలో ప్రాజెక్టును అప్పగించేదిలేదని తేల్చిచెప్పారు. ప్రాజెక్టును కేఆర్‌ఎంబీకి అప్పగించవద్దని డిమాండ్ చేస్తూ నల్గొండలో నిరసన ర్యాలీ నిర్వహించాలని బీఆర్‌ఎస్ యోచిస్తోంది. నేటి నుంచి నల్గొండ సభకు కేసీఆర్ ప్రజల్లోకి రానున్నారు. సుదీర్ఘ విరామం తర్వాత కేసీఆర్ ప్రజల్లోకి వెళ్తున్నారు. ఇవాళ కేసీఆర్ ప్రసంగంపై సర్వత్రా ఆసక్తి నెలకొంది.

Also Read : Manish Sisodia: మద్యం కుంభకోణం కేసులో ఆప్ నేత సిసోడియాకు ఉపశమనం !