CSK vs RR IPL 2023 : చెన్నై చంద్ర‌మా రాజ‌స్థాన్ రాజ‌స‌మా

CSK vs RR IPL 2023 : ఐపీఎల్ 16వ సీజ‌న్ లో కీల‌క‌మైన 17వ లీగ్ మ్యాచ్ కు వేదిక కానుంది చెన్నై. జార్ఖండ్ డైన‌మెట్ మ‌హేంద్ర సింగ్ ధోనీ సార‌థ్యంలోని చెన్నై సూప‌ర్ కింగ్స్ కేర‌ళ స్టార్ హిట్ట‌ర్ సంజూ శాంస‌న్ నేతృత్వంలోని రాజ‌స్థాన్ రాయ‌ల్స్ త‌ల‌ప‌డ‌నున్నాయి.

ఇరు జ‌ట్లు నువ్వా నేనా అన్న రీతిలో పోరాడేందుకు సై అంటున్నాయి. ఇప్ప‌టి దాకా రాజ‌స్థాన్ రాయ‌ల్స్(CSK vs RR IPL 2023) 3 మ్యాచ్ లు ఆడి 2 గెలిచి ఒక‌టి ఓడి పోయింది. పంజాబ్ తో చివ‌రి వ‌ర‌కు స‌త్తా చాటినా కేవ‌లం 5 ప‌రుగుల తేడాతో ప‌రాజ‌యం పాలైంది.

తొలి మ్యాచ్ లో హైద‌రాబాద్ ను 72 ర‌న్స్ భారీ తేడాతో ఓడించింది. ఢిల్లీ క్యాపిట‌ల్స్ కు షాక్ ఇచ్చింది. రెండు విజ‌యాల్లోనూ భారీ తేడాతో గెలుపొంద‌డం ఆ జ‌ట్టుకు బ‌లంగా మారింది. ప్ర‌స్తుతం లీగ్ లో +2.067 ర‌న్ రేట్ తో ఉంది.

ఇక చెన్నై సూప‌ర్ కింగ్స్ విష‌యానికి వ‌స్తే సీజ‌న్ లో తొలి మ్యాచ్ లోనే గుజ‌రాత్ టైటాన్స్ తో ఓట‌మి పాలైంది. ఆ త‌ర్వాత ల‌క్నో సూప‌ర్ జెయింట్స్ , ముంబై ఇండియ‌న్స్ తో జ‌రిగిన రెండు మ్యాచ్ ల్లోనూ గెలుపొందింది . ఇప్ప‌టి దాకా ఐపీఎల్ లో చెన్నై సూప‌ర్ కింగ్స్ , రాజ‌స్థాన్ రాయ‌ల్స్ 26 మ్యాచ్ లు ఆడాయి. చెన్నై 15 సార్లు గెలిస్తే రాజ‌స్థాన్ 11 సార్లు విజ‌యం సాధించింది. ఇక చెన్నై లోని చెపాక్ స్టేడియం బ్యాటింగ్ కు అనుకూలంగా ఉంటుంది.

Also Read : వార్న‌ర్ మెరిసినా ఢిల్లీ సేమ్ సీన్