CSK vs SRH IPL 2023 : చెన్నై సూప‌ర్ కింగ్స్ జైత్ర‌యాత్ర‌

CSK vs SRH IPL 2023 : ఐపీఎల్ 16వ సీజ‌న్ లో జ‌రిగిన కీల‌క లీగ్ మ్యాచ్ లో చెన్నై సూప‌ర్ కింగ్స్ మ‌రో విజ‌యాన్ని నమోదు చేసింది. చెన్నైలోని చిదంబ‌రం స్టేడియం వేదిక‌గా జ‌రిగిన ఈ మ్యాచ్ పై పూర్తిగా సీఎస్కే ప‌ట్టు సాధించింది. ప్రారంభంలో ఓట‌మి పాలైనా ఆ త‌ర్వాత చెన్నై గెలుపు బాట ప‌ట్టింది.

మ్యాచ్ లో భాగంగా మొద‌ట బ్యాటింగ్ చేప‌ట్టిన స‌న్ రైజ‌ర్స్ హైద‌రాబాద్ ను త‌క్కువ స్కోర్ కే క‌ట్ట‌డి చేసింది. నిర్ణీత 20 ఓవ‌ర్ల‌లో 135 ప‌రుగుల ల‌క్ష్యాన్ని నిర్దేశించింది. బ‌రిలోకి దిగిన చెన్నై 18.4 ఓవ‌ర్ల‌లోనే టార్గెట్ ను పూర్తి చేసింది. కేవ‌లం 3 వికెట్లు మాత్ర‌మే కోల్పోయింది. దీంతో 7 వికెట్ల తేడాతో విక్ట‌రీ న‌మోదు చేసింది.

మ్యాచ్ ప్రారంభం నుంచి చెన్నై ఓపెన‌ర్లు ర‌ఫ్పాడించారు. డేవిడ్ కాన్వే మ‌రోసారి రెచ్చి పోయాడు. 77 ర‌న్స్ చేశాడు. హైద‌రాబాద్ బౌల‌ర్ల‌కు చుక్క‌లు చూపించాడు. ఇక మ‌రో ఓపెన‌ర్ రుతురాజ్ గైక్వాడ్ సైతం స‌త్తా చాటాడు. 37 ర‌న్స్ చేసి కీల‌క పాత్ర పోషించాడు.

అంత‌కు ముందు బ్యాటింగ్ చేసిన స‌న్ రైజ‌ర్స్ హైద‌రాబాద్ 7 వికెట్లు కోల్పోయి 134 ర‌న్స్ చేసింది. అభిషేక్ శ‌ర్మ ఒక్క‌డే రాణించాడు. హ్యారీ బ్రూక‌క్ 18, రాహుల్ త్రిపాఠి 21, క్లాసెస్ 17, జాన్ సెన్ 17 ర‌న్స్ మాత్ర‌మే చేశారు. హైద‌రాబాద్ త‌ర‌పున మ‌యాంక్ మార్కండే 2 వికెట్లు తీస్తే చెన్నై బౌల‌ర్ల‌లో ర‌వీంద్ర జ‌డేజా 3 వికెట్లు తీశాడు. ఆకాశ్ సింగ్ , తీక్ష‌ణ‌, మ‌తీశ ప‌తిర‌ణ ఒక్కో వికెట్ తీశారు.

Also Read : నా కెరీర్ లో ఇదే చివ‌రిది – ధోనీ