Dasoju Sravan Kumar : ప్ర‌జా కోర్టు అట్ట‌ర్ ప్లాప్ షో – దాసోజు

Dasoju Sravan Kumar : బీఆర్ఎస్ అగ్ర నేత డాక్ట‌ర్ దాసోజు శ్ర‌వ‌ణ్ కుమార్ నిప్పులు చెరిగారు. ఆయ‌న టీపీసీసీ చీఫ్ రేవంత్ రెడ్డిపై తీవ్ర స్థాయిలో మండిప‌డ్డారు. తీవ్ర ఆరోప‌ణ‌లు చేశారు. పార్ల‌మెంట‌రీ ప్ర‌జాస్వామ్య వ్య‌వ‌స్థ‌పై ఆయ‌న‌కు న‌మ్మ‌కం లేకుండా పోయిన‌ట్లుంద‌ని ఎద్దేవా చేశారు. కొండంత రాగం తీసి రేవంత్ పాట పాడిన‌ట్టుందంటూ సెటైర్ వేశారు దాసోజు శ్ర‌వ‌ణ్ కుమార్.

Dasoju Sravan Kumar Slams Revanth Reddy

ప్ర‌జ‌ల కోసం టీపీసీసీ ఆధ్వ‌ర్యంలో చేప‌ట్టిన ప్ర‌జా కోర్టు అట్ట‌ర్ ప్లాప్ షోగా మిగిలి పోయింద‌న్నారు. ఇందుకు సజీవ సాక్ష్యంగా ఈ వీడియో అంటూ షేర్ చేశారు . బాహుబ‌ళి సెట్టింగ్ వేసి పుల‌కేశి సినిమా చూపించారంటూ ఫైర్ అయ్యారు దాసోజు శ్ర‌వ‌ణ్ కుమార్(Dasoju Sravan Kumar).

ఈ సంద‌ర్భంగా టీపీసీసీ చీఫ్ కు సూటి ప్ర‌శ్న వేశారు. తిర‌గ‌బ‌డ‌దాం త‌రిమి కొడ‌దాం అనేది ఏ ర‌క‌మైన ప్ర‌జాస్వామిక సిద్దాంత‌మ‌ని ప్ర‌శ్నించారు. లేక తెలంగాణ న‌యా న‌యీమ్ రేవంత్ రెడ్డి సంబంధించిన తీవ్ర వాద‌మా అని నిల‌దీశారు. రేవంత్ రెడ్డి కాంగ్రెస్ పార్టీ ఓట్ల పోరాటంలో ఉందా లేక తూటాల ఉద్య‌మంలో ఉందా అన్న అనుమానం క‌లుగుతోంద‌న్నారు డాక్ట‌ర్ దాసోజు శ్ర‌వ‌ణ్ కుమార్.

రేవంత్ రెడ్డి ఎన్ని ఆరోప‌ణ‌లు చేసినా లేక ఎన్ని జిమ్మిక్కులు చేసినా , కుట్ర‌లు ప‌న్నినా రాష్ట్రంలో తెలంగాణ స‌ర్కార్ తిరిగి బీఆర్ఎస్ ఆధ్వ‌ర్యంలో ఏర్ప‌డ‌డం ఖాయ‌మ‌న్నారు.

Also Read : RK Roja Selvamani : ఆర్కే రోజా షాకింగ్ కామెంట్స్