Dave Chappelle : స్టేజ్ పై డేవ్ చాపెల్ పై దాడి

Dave Chappelle : ఆస్కార్ అవార్డుల ప్ర‌దానోత్స‌వం సంద‌ర్భంగా క్రిస్ రాక్ ఛెంప చెల్లుమ‌నిపించిన విల్ స్మిత్ ఘ‌ట‌న మ‌రిచి పోక ముందే మ‌రో ఘ‌ట‌న చోటు చేసుకుంది అమెరికాలో.

లాస్ ఏంజెల్స్ లో నెట్ ఫ్లిక్స్ కు సంబంధించి ఈజ్ ఏ జోక్ అనే కార్య‌క్ర‌మంలో ప్ర‌ద‌ర్శ‌న (స్టేజ్ ) ఇస్తుండ‌గా న‌టుడు డేవ్ చాపెల్(Dave Chappelle) పై అనుకోకుండా గ‌న్ (తుపాకి) ధ‌రించిన ఓ గుర్తు తెలియ‌ని వ్య‌క్తి వ‌చ్చి దాడికి పాల్ప‌డడం క‌ల‌క‌లం రేపింది.

ప్ర‌పంచ వ్యాప్తంగా ఇది చ‌ర్చ‌నీయాంశంగా మారింది. యుఎస్ కు చెందిన జ‌ర్న‌లిస్ట్ షార‌న్ కార్పెంట‌ర్ త‌న సోషల్ మీడియాలో ఈ సంఘ‌ట‌న గురించి పంచుకున్నారు.

డేవ్ చాపెల్ త‌న ప్ర‌ద‌ర్శ‌న పూర్తి చేస్తున్న స‌మ‌యంలో ఒక వ్య‌క్తి వేదిక‌పైకి ప‌రుగులు తీశాడు. అత‌డిని నేల‌పై ప‌డేశాడు. సెక్యూరిటీ అల‌ర్ట్ అయ్యింది.

ఇంత‌లోనే డేవ్ చాపెల్ వారిని వ‌ద్ద‌ని వారించాడు. అయితే కావాల‌ని జ‌రిగిందా లేక కార్య‌క్ర‌మంలో భాగంగా అలా జ‌రిగిందా అన్న దానిపై ఇప్పుడు చ‌ర్చ జ‌రుగుతోంది.

ఈ దాడి ఘ‌ట‌న‌కు సంబంధించిన వీడియో క్లిప్పులు శ‌ర వేగంగా షేర్ అవుతున్నాయి. మొన్న‌టికి మొన్న జ‌రిగిన ఘ‌ట‌న‌తో ఏకంగా విల్ స్మిత్ పై నిషేధం విధించి ఆస్కార్ అవార్డుల క‌మిటీ.

ఇదిలా ఉండ‌గా స్ట్రెచ‌ర్ పై దాడి చేసిన వ్య‌క్తి షో త‌ర్వాత చికి్త్స పొందుతున్న‌ట్లు చూపుతున్న వీడియోను ట్విట్ట‌ర్ లో షేర్ కూడా చేయ‌డం ఇప్పుడు మ‌రింత ఉత్కంఠ రేపుతోంది.

దాడి చేసిన వ్య‌క్తి వివ‌రాలు ఇంకా లాస్ ఏంజెల్స్ పోలీసులు వెల్ల‌డించ‌లేదు. పీట్ డేవిడ్ స‌న్ , స్నూప్ డాగ్, సేథ్ రోగ‌న్ , బిల్ బ‌ర్ వంటి పెద్ద పేరున్న స్టార్ ల‌ను క‌లిగి ఉన్న ఈ ప్రాంతంలో ఈవెంట్ జ‌రిగింది.

Also Read : రోజా ఇక్క‌డ ఇలా సెల్వ‌మ‌ణి అక్క‌డ అలా