DC vs GT IPL 2023 : గుజ‌రాత్ కు బ్రేక్ ప‌డేనా ఢిల్లీ గెలిచేనా

DC vs GT IPL 2023 : ఐపీఎల్ 16వ సీజ‌న్ లో కీల‌క ప‌రిణామాలు చోటు చేసుకుంటున్నాయి. నువ్వా నేనా అన్న రీతిలో మ్యాచ్ లు కొన‌సాగుతున్నాయి. హార్దిక్ పాండ్యా సార‌థ్యంలోని గుజ‌రాత్ టైటాన్స్ డేవిడ్ వార్న‌ర్ కెప్టెన్సీ లోని ఢిల్లీ క్యాపిట‌ల్స్(DC vs GT IPL 2023) త‌ల‌ప‌డ‌నున్నాయి. ఇప్ప‌టి వ‌ర‌కు గుజ‌రాత్ మొత్తం 8 మ్యాచ్ లు ఆడింది. ఇందులో 6 మ్యాచ్ ల‌లో గెలుపొందగా 2 మ్యాచ్ ల‌లో ఓట‌మి పాలైంది. ఐపీఎల్ పాయింట్ల ప‌ట్టిక‌లో టాప్ లో కొన‌సాగుతోంది పాండ్యా సేన.

ఇక వార్న‌ర్ సేన అత్యంత పేల‌వ‌మైన ప్ర‌ద‌ర్శ‌న‌తో ఢిల్లీ జ‌ట్టు తీవ్ర నిరాశ ప‌రిచింది. ఢిల్లీ జ‌ట్టు ఇప్ప‌టి దాకా 8 మ్యాచ్ లు ఆడింది. ఇందులో 2 మ్యాచ్ ల‌లో విజ‌యం సాధించ‌గా 6 మ్యాచ్ ల‌లో ప‌రాజ‌యం చ‌వి చూసింది. ఇక బ్యాటింగ్, బౌలింగ్ ప‌రంగా అత్యంత బ‌లంగా ఉంది గుజ‌రాత్ టైటాన్స్.

ఏ ప‌రిస్థితుల్లోనైనా త‌మ వైపు తిప్పుకునే సామ‌ర్థ్యం గుజ‌రాత్ జ‌ట్టుకు ఉంది. ఇదే ఆ జ‌ట్టుకు అద‌న‌పు బ‌లం కూడా. ఇక బౌలింగ్ లో స‌త్తా చాటుతోంది. ఆఫ్గ‌నిస్తాన్ బౌల‌ర్లు నూర్ అహ్మ‌ద్, ర‌షీద్ ఖాన్ కీల‌క పాత్ర పోషిస్తున్నారు. ఆ ఇద్ద‌రు కీల‌క స‌మ‌యంలో వికెట్లు తీస్తూ గుజ‌రాత్ కు విజ‌యం చేకూర్చ‌డంలో భూమిక పోషిస్తున్నారు.

ఢిల్లీ క్యాపిట‌ల్స్ లో అద్భుత‌మైన ఆట‌గాళ్లు ఉన్న‌ప్ప‌టికీ ఆశించిన మేర రాణించ‌క పోవడం ఆ జ‌ట్టు యాజ‌మాన్యం త‌ల ప‌ట్టుకుంటోంది. ప్ర‌త్యేకించి బీసీసీఐ మాజీ బాస్ సౌర‌వ్ గంగూలీ డైరెక్ట‌ర్ గా ఉన్నా టీమ్ లో ఎలాంటి ప్ర‌భావం చూప‌లేక పోతుండ‌డం ఆందోళ‌న క‌లిగిస్తోంది. మ‌రి ఇవాళ జ‌రిగే మ్యాచ్ లో ఎవ‌రు గెలుస్తారో చూడాలి.

Also Read : రోహిత్ శ‌ర్మ ఔట్ నిజ‌మే – ఐపీఎల్