Dil Raju Elected : టీఎఫ్‌సీసీ అధ్య‌క్షుడిగా దిల్ రాజు
సి.క‌ళ్యాణ్ పై గ్రాండ్ విక్ట‌రీ న‌మోదు
Dil Raju Elected : ప్ర‌ముఖ చలన చిత్ర నిర్మాత దిల్ రాజు స‌త్తా చాటాడు. తెలుగు చలన చిత్ర వాణిజ్య మండ‌లి (టీఎఫ్‌సీసీ) నూత‌న అధ్య‌క్షుడిగా ఎన్నిక‌య్యారు. టీఎఫ్‌సీసీకి హోరా హోరీగా ఎన్నిక‌లు జ‌రిగాయి. చివ‌రి దాకా ఉత్కంఠ భ‌రితంగా సాగాయి. అధ్య‌క్ష ప‌ద‌వికి మొత్తం 48 ఓట్లు పోల్ కాగా దిల్ రాజు (వెంక‌ట రమ‌ణా రెడ్డి )కి 31 ఓట్లు వ‌చ్చాయి. ఆయ‌న‌కు పోటీగా బ‌రిలో ఉన్నారు నిర్మాత సి. క‌ళ్యాణ్.
Dil Raju Elected As New Position
ఇదిలా ఉండ‌గా తెలుగు చలన చిత్ర వాణిజ్య మండ‌లికి ప్ర‌తి రెండు సంవ‌త్స‌రాల‌కు ఒక‌సారి ఎన్నిక‌లు జ‌రుగుతాయి. నిర్ణీత గ‌డువు పూర్తి కావ‌డంతో టీఎఫ్‌సీసీకి ఎన్నిక‌లు నిర్వ‌హించారు. ఈ ఎన్నిక‌లు శాస‌న‌స‌భ ఎల‌క్ష‌న్స్ ను త‌ల‌పింప చేశాయి. ఎవ‌రు గెలుస్తార‌నే దానిపై సినీ రంగంలో ఉత్కంఠ నెల‌కొంది.
నిర్మాత‌గా ఇప్ప‌టికే సినీ రంగంలో మంచి ప‌ట్టుంది దిల్ రాజు(Dil Raju)కు. ఇక ఉపాధ్య‌క్షుడిగా ముత్యాల రామ రాఉ, కార్య‌ద‌ర్శిగా దామోద‌ర ప్ర‌సాద్, కోశాధికారిగా ప్ర‌స‌న్న కుమార్ విజ‌యం సాధించారు. ఈ ఎన్నిక‌ల్లో మొత్తం 1,339 మంది ఓటు హ‌క్కు వినియోగించుకున్నారు. కాగా దిల్ రాజు, సి. క‌ళ్యాణ్ పెద్ద ఎత్తున ప్ర‌చారం చేప‌ట్టారు. కానీ సీన్ మారింది. దిల్ రాజు కింగ్ మేక‌ర్ గా మారారు.
Also Read : Nara Lokesh : బీసీల పాలిట జ‌గ‌న్ సైతాన్ – లోకేష్