Eatala Rajender : కాషాయం విజ‌యం ఖాయం
బీజేపీ నేత ఈట‌ల రాజేంద‌ర్
Eatala Rajender : మేడ్చ‌ల్ – రాబోయే ఎన్నిక‌ల్లో గెలిచేది మ‌న‌మే. ఎగిరేది మ‌న కాషాయ జెండానేన‌ని అన్నారు మాజీ మంత్రి, హుజూరాబాద్ ఎమ్మెల్యే ఈట‌ల రాజేంద‌ర్. ఘ‌ట్కేస‌ర్ లో జ‌రిగిన బీజేవైఎం స‌మావేశంలో ఆయ‌న ముఖ్య అతిథిగా హాజ‌రై ప్ర‌సంగించారు.
భార‌తీయ జ‌న‌తా పార్టీ భ‌విష్య‌త్తు మీ చేతుల్లో ఉంద‌న్నారు ఈట‌ల రాజేంద‌ర్(Eatala Rajender). బీఆర్ఎస్, బీజేపీ క‌లిసి పోయాయంటూ జ‌రుగుతున్న ప్ర‌చారాన్ని మీరే తిప్పి కొట్టాల‌ని పిలుపునిచ్చారు. సోష‌ల్ మీడియాలో జ‌రుగుతున్న దుష్ప్ర‌చారాన్ని ధైర్యంగా ఎదుర్కోవాల‌ని సూచించారు.
Eatala Rajender Comments Viral
కేవ‌లం డ‌బ్బులు వెద‌జ‌ల్లి ,ఓట్లు కొనుగోలు చేసి గెలుస్తామ‌నే పిచ్చి భ్ర‌మలో కేసీఆర్ ఉన్నార‌ని రాబోయే రోజుల్లో త‌గిన రీతిలో బుద్ది చెప్పాల‌న్నారు. వ్య‌వ‌స్థ‌ల‌ను మేనేజ్ చేస్తూ వ‌చ్చిన సీఎం ఇప్పుడు జ‌రిగే ఎన్నిక‌ల్లో త‌న స‌త్తా ఏమిటో తేలుతుంద‌న్నారు.
బీఆర్ఎస్ ఉన్నంత కాలం కేసీఆర్ కుటుంబం త‌ప్ప వేరే వాళ్లు ఈ రాష్ట్రానికి సీఎం కాలేర‌న్నారు ఈట‌ల రాజేంద‌ర్. చాయ్ వాలాను పీఎంను చేసింది. ద‌ళితుడిని , ఆదివాసీ మ‌హిళ‌ను రాష్ట్ర‌ప‌తిని చేసిన ఏకైక పార్టీ బీజేపీ అన్నారు. ధ‌ర‌ణి పేరుతో పేద‌ల భూముల‌ను లాక్కున్న దుర్మార్గ‌పు నేత కేసీఆర్ అంటూ నిప్పులు చెరిగారు.
అటుకులు తిన్న పార్టీ రూ. 900 కోట్ల వైట్ మ‌నీ ఉన్న పార్టీగా ఎలా మారిందో ప్ర‌జ‌ల‌కు చెప్పాల‌ని ప్ర‌శ్నించారు. ఒక‌ప్పుడు విరాళాలతో బ‌తికిన కేసీఆర్ ఇవాళ ల‌క్ష కోట్ల‌కు అధిప‌తిగా ఎలా ఎదిగాడో కూడా చెప్పాల‌న్నారు. ఓట్ల కోసం డ‌బ్బులు ఇవ్వాలంటూ ధ‌ర్నా చేసే స్థాయికి తీసుకు వ‌చ్చాడంటూ సీఎంపై మండిప‌డ్డారు.
Also Read : Balakrishna Comment : బాల‌య్య రెడీ టీడీపీ ఓకేనా