Faf Du Plessis : కెప్టెన్ రాణించినా త‌ప్ప‌ని ఓట‌మి

Faf Du Plessis : రాయ‌ల్ ఛాలెంజ‌ర్స్ బెంగ‌ళూరు స్కిప్ప‌ర్ ఫాఫ్ డుప్లెసిస్(Faf Du Plessis) సూప‌ర్ ఇన్నింగ్స్ తో ఆక‌ట్టుకున్నాడు. కానీ త‌న జ‌ట్టును గెలిపించ లేక పోయాడు. ముందుగా బ్యాటింగ్ చేసిన ఆర్సీబీ నిర్ణీత 20 ఓవ‌ర్ల‌లో 6 వికెట్లు కోల్పోయి 199 ర‌న్స్ చేసింది. ఓ వైపు విరాట్ కోహ్లీ నిరాశ ప‌రిచినా ఎక్క‌డా త‌గ్గ‌లేదు. ఆర్సీబీ బ్యాట‌ర్లు దుమ్ము రేపారు. అద్భుత‌మైన షాట్స్ తో ఆక‌ట్టుకున్నారు. గ్లెన్ మ్యాక్స్ వెల్, ఫాఫ్ డుప్లెసిస్ అద్భుతంగా ఆడారు. ముంబై ఇండియ‌న్స్ బౌల‌ర్ల‌కు చుక్క‌లు చూపించారు. దంచి కొట్టారు. ఆకాశ‌మే హ‌ద్దుగా రెచ్చి పోయారు ఈ ఇద్ద‌రూ బ్యాట‌ర్లు.

పూన‌కం వ‌చ్చిన‌ట్లు రెచ్చి పోయాడు గ్లెన్ మ్యాక్స్ వెల్. క‌ళ్‌లు చెదిరే షాట్స్ తో అల‌రించాడు. ఇక కెప్టెన్ ఫాఫ్ డు ప్లెసిస్ కీల‌క‌మైన ఇన్నింగ్స్ తో అల‌రించాడు. మ‌రో వైపు ఐపీఎల్ 16వ సీజ‌న్ లో అద్భుత‌మైన ఫామ్ కొన‌సాగిస్తూ వ‌స్తున్న స్టార్ క్రికెట‌ర్ విరాట్ కోహ్లీ కీల‌క మ్యాచ్ లో నిరాశ ప‌రిచాడు. కానీ గ్లెన్ మ్యాక్స్ వెల్ , ఫాఫ్ డుప్లెసిస్ మాత్రం ఎక్క‌డా త‌గ్గ‌లేదు. ప్ర‌తి బౌల‌ర్ ను ఉతికి ఆరేశారు ఈ ఇద్ద‌రూ.

ఒకానొక స‌మ‌యంలో స్కోర్ 230 దాటుతుంద‌ని అనుకున్నా చివ‌ర‌కు బౌల‌ర్లు క‌ట్ట‌డి చేయ‌డంతో ఆర్సీబీ 199 కే ప‌రిమిత‌మైంది. గ్లెన్ మ్యాక్స్ వెల్ కేవ‌లం 33 బంతులు ఎదుర్కొని 8 ఫోర్లు , 4 సిక్స‌ర్ల‌తో రెచ్చి పోయాడు. 68 ర‌న్స్ చేశాడు. అత‌డి స్ట్రైక్ రేట్ 206.06 గా ఉంది. ఇక ఆర్సీబీ స్కిప్ప‌ర్ ఫాఫ్ డు ప్లెసిస్ 41 బంతులు ఎదుర్కొని 5 ఫోర్లు 3 సిక్స‌ర్ల‌తో దుమ్ము రేపాడు. 65 ప‌రుగులు చేశాడు.

Also Read : ఇషాన్ కిష‌న్ ధనా ధ‌న్