Priyanka Chaturvedi : గంగూలీ కామెంట్స్ ప్రియాంక సీరియ‌స్

Priyanka Chaturvedi : బీసీసీఐ మాజీ చీఫ్ సౌర‌వ్ గంగూలీ మ‌హిళా రెజ్ల‌ర్ల‌పై చేసిన కామెంట్స్ తీవ్ర దుమారం రేపాయి. రెజ్లింగ్ ఫెడ‌రేష‌న్ ఆఫ్ ఇండియా (డ‌బ్ల్యుఎఫ్ఐ) చీఫ్‌, భార‌తీయ జ‌న‌తా పార్టీ ఎంపీ బ్రిజ్ భూష‌ణ్ శ‌ర‌ణ్ సింగ్ పై చ‌ర్య‌లు తీసుకోవాల‌ని కోరుతూ మ‌హిళా రెజ్ల‌ర్లు గ‌త ఏప్రిల్ 23 నుంచి దేశ రాజ‌ధాని ఢిల్లీలోని జంత‌ర్ మంత‌ర్ వ‌ద్ద నిర‌స‌న దీక్ష చేప‌ట్టారు.

ఈ సంద‌ర్భంగా మ‌హిళా మ‌ల్ల యోధులు ఎందుకు ఆందోళ‌న చేస్తున్నారో త‌న‌కు అర్థం కావ‌డం లేదంటూ వ్యాఖ్యానించాడు. దీనిపై దేశ వ్యాప్తంగా తీవ్ర నిర‌స‌న వ్య‌క్తం అవుతోంది. గంగూలీ మ‌హిళా రెజ్ల‌ర్ల‌కు అండ‌గా ఉండాల్సింది పోయి వాళ్ల‌ను చుల‌క‌న‌గా మాట్లాడ‌టం దారుణ‌మ‌న్నారు శివ‌సేన యుబిటి ఎంపీ ప్రియాంక చ‌తుర్వేది(Priyanka Chaturvedi) .

ఒక మాజీ ఆట‌గాడిగా, బాధ్య‌త క‌లిగిన ఓ క్రీడా సంస్థ‌కు మాజీ గా ఉన్న సౌర‌వ్ గంగూలీ ఇలాంటి వ్యాఖ్య‌లు చేయ‌డం త‌న‌ను విస్తు పోయేలా చేసింద‌ని పేర్కొన్నారు ఎంపీ. ఇది మంచి ప‌ద్ద‌తి కాద‌ని సూచించారు. క‌నీసం మ‌హిళా మ‌ల్ల యోధుల‌కు మ‌ద్ద‌తు ఇవ్వ‌క పోయినా ప‌ర్వాలేదు కానీ ఇబ్బంది పెట్టేలా మ‌న‌సు నొచ్చుకునేలా చేయొద్దంటూ హిత‌వు ప‌లికారు ప్రియాంక చ‌తుర్వేది.

Also Read : హార్దిక్ పాండ్యా షాకింగ్ కామెంట్స్