Gidugu Rudraraju : బాబు..ప‌వ‌న్..జ‌గ‌న్ ఒక్క‌టే

Gidugu Rudraraju : అమ‌రావ‌తి – బీజేపీ అంటే చంద్ర‌బాబు..ప‌వ‌న్ క‌ళ్యాణ్..జ‌గ‌న్ మోహ‌న్ రెడ్డి అని ఎద్దేవా చేశారు ఏపీసీసీ చీఫ్ గిడుగు రుద్ర‌రాజు(Gidugu Rudraraju). ఆయ‌న మీడియాతో మాట్లాడారు. రాష్ట్రంలో బీజేపీ రెండు నాల్క‌ల ధోర‌ణితో వ్య‌వ‌హ‌రిస్తోంద‌ని ఆరోపించారు.

Gidugu Rudraraju Comments Viral

ఇక్క‌డ విమ‌ర్శ‌లు చేసుకుంటూ ఢిల్లీలో ములాఖత్ కావ‌డాన్ని ప్ర‌జ‌లు గ‌మ‌నిస్తున్నార‌ని పేర్కొన్నారు. ఇక రాష్ట్రానికి వ‌స్తే గ‌తంలో ఏలిన చంద్ర‌బాబు ఏం సాధించాడో చెప్పాల‌న్నారు. పాద‌యాత్ర‌ల పేరుతో ఎన్ని యాత్ర‌లు చేసినా ఎవ‌రూ న‌మ్మే స్థితిలో లేర‌న్నారు. రాష్ట్రంలో సుస్థిర‌మైన పాల‌న కేవ‌లం కాంగ్రెస్ పార్టీ వ‌ల్ల‌నే సాధ్య‌మ‌వుతుంద‌న్నారు.

త్వ‌ర‌లో జ‌ర‌గ‌బోయే శాస‌న స‌భ ఎన్నిక‌ల్లో తాము నిర్ణ‌యాత్మ‌క‌మైన పాత్ర పోషించ‌డం ఖాయ‌మ‌ని జోష్యం చెప్పారు. ఇప్ప‌టి వ‌ర‌కు వ్య‌వ‌స్థ‌ల‌ను నిర్వీర్యం చేసి పాల‌న సాగిస్తున్నాడ‌ని ఆయ‌న‌ను జ‌నం న‌మ్మ బోరంటూ స్ప‌ష్టం చేశారు ఏపీసీసీ చీఫ్ గిడుగు రుద్ర‌రాజు.

ద‌క్షిణాది నుంచి అత్య‌ధికంగా ఎంపీ సీట్ల‌ను తాము కైవ‌సం చేసుకోబోతున్నామ‌ని ఇందులో ఎలాంటి అనుమానం అక్క‌ర్లేద‌న్నారు. జ‌గ‌న్ రెడ్డి మాట‌ల‌ను, చంద్ర‌బాబు వ్యూహాల‌ను, నారా లోకేష్ రాజ‌కీయాల‌ను ప్ర‌జ‌లు గ‌మ‌నిస్తూ వ‌చ్చార‌ని పేర్కొన్నారు.

Also Read : Merugu Nagarjuna : జ‌గ‌న్ కే జ‌నం జై కొడ‌తారు