Hardik Krunal Pandya Yash : రాఖీ భాయ్ హార్దిక్..కృనాల్ వైర‌ల్

Hardik Krunal Pandya Yash : ప్ర‌శాంత్ నీల్ ద‌ర్శ‌క‌త్వంలో వ‌చ్చిన కేజీఎఫ్ సృష్టించిన హంగామా అంతా ఇంతా కాదు. ఆ ఒక్క మూవీతోనే య‌శ్ పాన్ ఇండియా హీరోగా మారి పోయాడు. ఆ సినిమా బిగ్ హిట్ తో కేజీఎఫ్‌-2 విడుద‌లై రికార్డుల‌ను బ్రేక్ చేసింది. ఇక మ‌నోడి క్రేజ్ ఇంట‌ర్నేష‌న‌ల్ స్థాయికి చేరుకుంది.

మోస్ట్ పాపుల‌ర్ హీరోల‌లో టాప్ లో ఉన్నాడు య‌శ్. తాజాగా మ‌నోడితో క్రికెట‌ర్లు క‌ల‌వడం ఆస‌క్తిగా మారింది. టీ20 జ‌ట్టు కెప్టెన్ గా ఉన్న హార్దిక్ పాండ్యా , సోద‌రుడు కృనాల్ పాండ్యా రాఖీ భాయ్(Hardik Krunal Pandya Yash)  ని క‌లుసుకున్నారు. ఇందుకు సంబంధించిన ఫోటోలు, వీడియోలు సోష‌ల్ మీడియాలో హ‌ల్ చ‌ల్ చేస్తున్నాయి.

ఇక కేజీఎఫ్ సినిమాలో అసాధార‌ణ‌మైన న‌ట‌న‌తో ఆక‌ట్టుకున్నాడు రాఖీ భాయ్. ఇప్ప‌టి దాకా కొత్త ప్రాజెక్టును ప్ర‌క‌టించ లేదు. కాగా సినిమాల ఆఫ‌ర్లు లేవ‌ని కాదు. కుప్ప‌లు తెప్ప‌లుగా వ‌స్తున్నాయి. అటు క‌న్న‌డ నాట నెంబ‌ర్ వ‌న్ లో ఉన్నాడు. అన్ని వైపులా య‌శ్ డేట్స్ కోసం నిర్మాత‌లు క్యూ క‌డుతున్నారు.

కానీ ఇప్ప‌టి వర‌కు ఏ ఒక్క సినిమాకు ఓకే చెప్ప‌లేదు రాఖీ భాయ్. ఇదే స‌మ‌యంలో హార్దిక్ పాండ్యా త‌న అధికారిక ఇన్ స్టా గ్రామ్ హ్యాండిల్ లో పోస్ట్ చేశాడు. అంతే కాదు దానికి క్యాప్ష‌న్ కూడా ఇచ్చాడు. అదేమిటంటే కేజీఎఫ్ -3 అని పేరు పెట్ట‌డం విస్తు పోయేలా చేసింది. ఇక పాండ్యా బ్ర‌ద‌ర్స్ ఫ్యాన్స్ తో పాటు రాఖీ భాయ్ అభిమానులు తెగ ముచ్చ‌ట ప‌డి పోతున్నారు.

Also Read : రాహుల్ ఆడితే ఓకే లేదంటే క‌ష్టం