Heeramandi First Look : హీరామండి ఫ‌స్ట్ లుక్ అదుర్స్

Heeramandi First Look : భార‌తీయ సినిమా రంగంలో త‌న‌కంటూ ఓ స్పెషల్ ఇమేజ్ క‌లిగిన ద‌ర్శ‌కుడు సంజ‌య్ లీలా భ‌న్సాలీ. భారీ తారాగ‌ణ‌మే కాదు అద్భుత‌మైన విజువ‌ల్స్ ను సృష్టించ‌డం ఆయ‌న‌కే చెల్లింది. తాజాగా ప్ర‌ముఖ అంత‌ర్జాతీయ ఓటీటీ ఫ్లాట్ ఫార‌మ్ కు చెందిన నెట్ ఫ్లిక్స్ లో హీరామండి స్ట్రీమింగ్ కాబోతోంది. ఇందుకు సంబంధించి ఫ‌స్ట్ లుక్ ను(Heeramandi First Look)  శ‌నివారం చిత్ర యూనిట్ విడుద‌ల చేసింది. అత్యంత క‌ళాత్మ‌కంగా , రిచ్ గా ఆక‌ట్టుకునేలా తీర్చి దిద్దాడు ద‌ర్శ‌కుడు సంజ‌య్ లీలా భ‌న్సాలీ. హీరా మండి అంటేనే ఒక‌ప్పుడు వేశ్య‌లు ఉండే ప్రాంతం.

ఈ సంద‌ర్బంగా ఫ‌స్ట్ లుక్ లో అద్భుత‌మైన క్యాప్ష‌న్ కూడా జ‌త చేశారు ద‌ర్శ‌కుడు. వేశ్య‌లు రాణులుగా ఉండే ప్ర‌పంచానికి సంజ‌య్ లీలా బ‌న్సాలీ మిమ్మ‌ల్ని ఆహ్వానిస్తున్నారంటూ పేర్కొన్నారు.

ప్ర‌స్తుతం సోష‌ల్ మీడియాలో విడుద‌లైన హీరా మండి ఫ‌స్ట్ లుక్ కు పెద్ద ఎత్తున స్పంద‌న ల‌భిస్తోంది. ల‌క్ష‌ల్లో లైకులు , కామెంట్స్ , షేరింగ్ తో దూసుకు పోతోంది. ఇందులో పేరొందిన న‌టీమ‌ణులు న‌టించ‌డం ఓ ప్ర‌త్యేక‌త‌. విడుద‌ల కాక ముందే కేక పుట్టిస్తున్న హీరామండి స్ట్రీమింగ్ అయ్యాక ఇంకెంత ర‌చ్చ చేస్తుందో చూడాలి.

హీరామండిలో మ‌నీషా కోయిరాలా, సోనాక్షి సిన్హా, అదితి రావ్ హైద‌రీ, రిచా చ‌ద్దా, ష‌ర్మిన్ సెగ‌ల్ తో పాటు సంజీదా షేక్ వంటి ఆక‌ట్టుకునే తారాగ‌ణం ఉంది. హీరామండి లాహోర్ లోని వేశ్య‌ల క‌థ‌ను ప్ర‌ద‌ర్శిస్తారు. వారి జీవితంలో అంత‌గా తెలియ‌ని అంశాల‌ను అన్వేషిస్తార‌ని తెలిపారు.

Also Read : పృథ్వీ షా ఎవ‌రో నాకు తెలియ‌దు