IND vs BAN 3rd ODI : ఆఖ‌రి మ్యాచ్ లోనైనా రాణిస్తారా
భార‌త్ బంగ్లాదేశ్ బిగ్ ఫైట్
IND vs BAN 3rd ODI : మూడు వ‌న్డేల సీరీస్ లో భాగంగా ఆఖ‌రి మ్యాచ్ ఇవాళ జ‌ర‌గ‌నుంది బంగ్లాదేశ్ తో. ఇప్ప‌టికే మొద‌టి వ‌న్డే లో ఒక వికెట్ తేడాతో, రెండో వ‌న్డేలో 5 ప‌రుగులతో ఓట‌మి పాలైంది టీమిండియా(IND vs BAN 3rd ODI) . అన్ని రంగాల‌లోను ఆతిథ్య జ‌ట్టు అద్బుత ప్ర‌ద‌ర్శ‌న‌తో బ‌ల‌మైన భార‌త జ‌ట్టుకు కోలుకోలేని షాక్ ఇచ్చింది.
అటు బ్యాటింగ్ లో ఇటు బౌలింగ్, ఫీల్డింగ్ లో బంగ్లా ఆట‌గాళ్లు అద్భుత‌మైన ఆట తీరుతో ఆక‌ట్టుకున్నారు. ప్ర‌ధానంగా మెహ‌దీ హ‌స‌న్ మిరాజ్ కొట్టిన దెబ్బ‌కు ఇంకా ఆ షాక్ నుంచి కోలుకోలేక పోయారు మ‌నోళ్లు. మ‌రో వైపు కీల‌క ఆట‌గాళ్లు గాయాల బారిన ప‌డ‌డంతో అస‌లు ఈ మ్యాచ్ లో నైనా భార‌త్ గెలుస్తుందా అన్న అనుమానం నెల‌కొంది.
ఇప్ప‌టికే బీసీసీఐ నిర్వాకంపై స‌ర్వ‌త్రా ఆగ్ర‌హం వ్య‌క్తం అవుతోంది. రాజ‌కీయాల కార‌ణంగానే రాణిస్తున్న వారిని ప‌క్క‌న పెడుతున్నారంటూ మండి ప‌డుతున్నారు. కేర‌ళ స్టార్ బ్యాట‌ర్ సంజూ శాంస‌న్ ను ఎందుకు ప‌క్క‌న పెట్టారంటూ నిప్పులు చెరుగుతున్నారు.
గ‌త కొంత కాలం నుంచీ క్రికెట్ ప‌రంగా ట్విట్ట‌ర్ లో ట్రెండింగ్ లో కొన‌సాగుతూ వ‌చ్చాడు శాంస‌న్. ఇప్ప‌టి వ‌ర‌కు వ‌రుస‌గా ఫెయిల్ అవుతూ వ‌చ్చినా రిష‌బ్ పంత్ ను ఆడించారు. తాజాగా రోహిత్ శ‌ఱ్మ, ఆల్ రౌండ‌ర్ దీప‌క్ చాహ‌ర్ , పేస‌ర్ కుల్దీప్ సేన్ మూడో మ్యాచ్ కు దూర‌మ‌య్యారు.
దీంతో కుల్దీప్ యాద‌వ్ చేరాడు. ఇక జ‌ట్టు ప‌రంగా చూస్తే బీసీసీఐ వెల్ల‌డించిన మేర‌కు..కేఎల్ రాహుల్ సార‌థ్యం వ‌హిస్తాడు. శిఖ‌ర్ ధావ‌న్ , కోహ్లీ, ర‌జ‌త్ ప‌టీదార్ , అయ్య‌ర్ , రాహుల్ త్రిపాఠి, ఇషాన్ కిష‌న్ , షాబాజ్ అహ్మ‌ద్ , అక్ష‌ర్ ప‌టేల్ , సుంద‌ర్ , ఠాకూర్ , సిరాజ్ , మాలిక్ , కుల్దీప్ ఉన్నారు.
Also Read : ఫిఫా వ‌ర‌ల్డ్ క‌ప్ సెమీస్ కు చేరేదెవ‌రో