IND vs ENG 3rd T20 : చెల రేగిన మ‌లాన్..లివింగ్ స్టోన్

IND vs ENG 3rd T20 : ఇప్ప‌టికే సీరీస్ కోల్పోయి తాడో పేడో తేల్చుకుందామ‌ని బ‌రిలోకి దిగిన ఆతిథ్య ఇంగ్లండ్ జ‌ట్టు భారీ స్కోర్ చేసింది. ట్రెంట్ బ్రిడ్జ్ వేదిక‌గా జ‌రిగిన మూడో టి20 మ్యాచ్(IND vs ENG 3rd T20) లో ముందుగా బ్యాటింగ్ చేసిన ఇంగ్లండ్ నిర్ణీత 20 ఓవ‌ర్ల‌లో 7 వికెట్లు న‌ష్ట పోయి 215 ప‌రుగులు చేసింది.

కెప్టెన్ జోస్ బ‌ట్ల‌ర్ టాస్ గెలిచి ముందుగా బ్యాటింగ్ ఎంచుకున్నాడు. మ‌రోసారి నిరాశ ప‌రిచాడు జోస్ బ‌ట్ల‌ర్ కేవ‌లం 18 ప‌రుగులు చేసి వెనుదిరిగాడు. జేస‌న్ రాయ్ కూడా ఆశించిన మేర ఆడ‌లేక పోయాడు.

27 ర‌న్స్ మాత్ర‌మే చేశాడు. ఈ త‌రుణంలో బ‌రిలోకి వ‌చ్చిన డేవిడ్ మ‌లాన్ ఆకాశ‌మే హ‌ద్దుగా చెల‌రేగాడు. ఏకంగా 77 ప‌రుగులు చేశాడు. అద్భుత‌మైన షాట్స్ తో అల‌రించాడు.

అత‌డికి తోడు లివింగ్ స్టోన్ దుమ్ము రేపాడు. 42 ప‌రుగులు చేసి నాటౌట్ గా నిలిచాడు. దీంతో భారీ స్కోర్ చేసింది. ఫిల్ సాల్ట్ 8, హ్యారీ బ్రూక్ 19, క్రిస్ జోర్డాన్ 11 ర‌న్స్ చేశారు.

ఇక భార‌త బౌల‌ర్ల‌లో హ‌ర్ష‌ల్ ప‌టేల్ , ర‌వి బిష్ణోయ్ చెరో రెండు వికెట్లు తీశారు. ఆవేష్ ఖాన్ , ఉమ్రాన్ మాలిక్ ఒక్కో వికెట్ తీశారు.

ఇదిలా ఉండ‌గా ఇప్ప‌టికే మూడు టి20 మ్యాచ్ ల సీరీస్ లో భార‌త జ‌ట్టు మొద‌టి, రెండో టి20 మ్యాచ్ ల‌లో ఘ‌న విజ‌యాన్ని సాధించింది.

కాగా గ‌త ఏడాది క‌రోనా కార‌ణంగా మిగిలి పోయిన ఐదో రీ షెడ్యూల్ మ్యాచ్ లో ఘోర‌మైన ఓట‌మి చ‌వి చూసింది భార‌త జ‌ట్టు. ఏడు వికెట్ల తేడాతో ఓట‌మి మూట‌గ‌ట్టుకుంది టీమిండియా. ఈ మేర‌కు టి20 ల‌లో విజ‌యం సాధించి స‌త్తా చాటింది.

Also Read : వింబుల్డ‌న్ టైటిల్ విజేత‌ జొకోవిచ్