IND vs PAK T20 World Cup : దాయాదుల పోరులో దాదా ఎవ‌రో

IND vs PAK T20 World Cup : ఆస్ట్రేలియా వేదిక‌గా జ‌రుగుతున్న ఇంట‌ర్నేష‌న‌ల్ క్రికెట్ కౌన్సిల్ (ఐసీసీ) టి20 వ‌ర‌ల్డ్ క‌ప్ లో దాయాదులు భార‌త్ , పాకిస్తాన్ జ‌ట్ల మ‌ధ్య హోరా హోరీ(IND vs PAK T20 World Cup) జ‌ర‌గ‌నుంది. ఆదివారం జ‌రిగే ఈ కీల‌క మ్యాచ్ కు ఇప్ప‌టికే టికెట్లు పూర్తిగా అమ్ముడు పోయాయి. ఇప్ప‌టి వ‌ర‌కు జ‌రిగిన టి20 వ‌ర‌ల్డ్ క‌ప్ టోర్నీలో 11 సార్లు ఇరు జ‌ట్లు త‌ల‌ప‌డ్డాయి.

ఇందులో ఒక్క‌సారి మాత్ర‌మే పాకిస్తాన్ గెలుపొందింది. దుబాయ్ వేదిక‌గా జ‌రిగిన 2021 వ‌ర‌ల్డ్ క‌ప్ లో ఘోరంగా ఓట‌మి పాలైంది టీమిండియా. ఇదే వేదిక‌పై జ‌రిగిన ఆసియా క‌ప్ లో ఇరు జ‌ట్లు త‌ల‌ప‌డ్డాయి. చెరో మ్యాచ్ గెలుపొందాయి. శ్రీ‌లంక విజేత‌గా నిలిచింది. ఇక ఇప్ప‌టికే ప్ర‌స్తుతం జ‌రుగుతున్న ప్ర‌పంచ క‌ప్ లో ఆస‌క్తిక‌ర ప‌రిణామాలు చోటు చేసుకుంటున్నాయి.

వ‌చ్చే ఏడాది పాకిస్తాన్ లో జ‌రిగే వ‌న్డే ఆసియా క‌ప్ లో భార‌త జ‌ట్టు పాల్గొన‌ద‌ని బీసీసీఐ(BCCI), ఆసియా క్రికెట్ బోర్డు చైర్మ‌న్ జే షా ప్ర‌క‌టించ‌డంతో ఇరు దేశాల మ‌ధ్య అస‌లు మ్యాచ్ జ‌రుగుతుందా లేదా అన్న‌ది ఉత్కంఠ‌గా మారింది. ఈ కీల‌క మ్యాచ్ కు వ‌ర్షం అడ్డంకిగా మార‌నుంది.

మ‌రో వైపు పాకిస్తాన్ బోర్డు తో పాటు మాజీ ఆట‌గాళ్లు నిప్పులు చెరుగుతున్నారు బీసీసీఐ తీరుపై. ఇవాళ మెల్ బోర్న్ వేదిక‌గా మ‌ధ్యాహ్నం 1.30 గంట‌ల‌కు ప్రారంభం కానుంది కీల‌క మ్యాచ్ . వ‌ర్షం కురిసే అవ‌కాశం ఉంద‌ని వాతావ‌ర‌ణ శాఖ వెల్ల‌డించింది. ఇరు జ‌ట్లు త‌మ వ్యూహాల‌కు ప‌దును పెట్టాయి.

Also Read : చెల‌రేగిన కీవీస్ త‌ల‌వంచిన ఆసిస్