IND vs WI 2nd ODI : వెస్టిండీస్ తో టీమిండియా రె’ఢీ’

IND vs WI 2nd ODI : విండీస్ టూర్ లో భాగంగా శిఖ‌ర్ ధావ‌న్ నేతృత్వంలోని భార‌త జ‌ట్టు రెండో వ‌న్డే(IND vs WI 2nd ODI) ఆడేందుకు సిద్ద‌మైంది. ఇప్ప‌టికే పోర్ట్ ఆఫ్ స్పెయిన్ లో జ‌రిగిన తొలి వ‌న్డే ఉత్కంఠ భ‌రితంగా సాగింది.

నువ్వా నేనా అన్న రీతిలో జ‌రిగిన ఈ మ్యాచ్ లో టీమిండియా 3 ప‌రుగుల తేడాతో విజ‌యాన్ని సాధించింది. హైద‌రాబాదీ పేస‌ర్ మ‌హ్మ‌ద్ సిరాజ్ అద్భుత‌మైన బౌలింగ్ కు తోడు సంజూ శాంస‌న్ క‌ళ్లు చెదిరే వికెట్ కీపింగ్ కార‌ణంగా ఈ గెలుపు ద‌క్కింది.

మూడు వ‌న్డే మ్యాచ్ ల సీరీస్ లో భాగంగా ఇప్ప‌టికే 1-0 తేడాతో ఆధిక్యంలో కొన‌సాగుతోంది భార‌త జ‌ట్టు. ఈ త‌రుణంలో ఇవాళ రాత్రి నుంచి జ‌రిగే రెండో కీల‌క వ‌న్డేలో టీమిండియా జోరు మీదుంది.

ఇక ప‌రువు పోకుండా ఎలాగైనా స‌రే గెలిచి తీరాల‌ని ప‌ట్టుద‌ల‌తో ఉంది వెస్టిండీస్ జ‌ట్టు. ఇరు జ‌ట్లు అటు బౌలింగ్ లోనూ ఇటు బ్యాటింగ్ లోనూ బ‌లంగా ఉన్నాయి.

ఇక మ‌న జ‌ట్టులో స్టార్ ప్లేయ‌ర్లు ఎవ‌రూ లేక పోయినా జ‌ట్టులో యువ ఆట‌గాళ్లు అత్యుత్త‌మ‌మైన ఆట తీరుతో ఆక‌ట్టుకుంటున్నారు.

ఇవాళ క్వీన్స్ పార్క్ లో జ‌ర‌గ‌నున్న మ్యాచ్ మాత్రం మ‌రింత ర‌స‌వ‌త్త‌రంగా జ‌ర‌గ‌నుంది. ఇరు జ‌ట్లు గెలుపు కోసం ప‌ట్టుద‌ల‌తో ఆడ‌డం ఖాయంగా క‌నిపిస్తోంది.

ఇక శిఖ‌ర్ ధావన్ , రుతురాజ్ , శుభ్ మ‌న్ , సంజూ శాంస‌న్ , శ్రేయ‌స్ అయ్య‌ర్ , ర‌వీంద్ర జ‌డేజా , త‌దిత‌ర ఆటగాళ్ల‌తో బ‌లంగా ఉంది జ‌ట్టు. ఇక బౌలింగ్ లో సిరాజ్ , చాహ‌ల్, ప‌టేల్ ఉన్నారు.

Also Read : చాహ‌ల్ నువ్వో అద్భుతం – ధ‌న‌శ్రీ‌