IND vs WI 3rd ODI : విండీస్ పై విక్ట‌రీ భార‌త్ దే సీరీస్

IND vs WI 3rd ODI : వెస్టిండీస్ తో జ‌రిగిన మూడో వ‌న్డే మ్యాచ్(IND vs WI 3rd ODI) లో టీమిండియా గ్రాండ్ విక్ట‌రీ న‌మోదు చేసింది. ఏకంగా ఆతిథ్య జ‌ట్టు విండీస్ పై ఏకంగా 200 ప‌రుగుల తేడాతో గెలుపొందింది. ముందుగా బ్యాటింగ్ చేసిన భార‌త జ‌ట్టు నిర్ణీత 50 ఓవ‌ర్ల‌లో 5 వికెట్లు కోల్పోయి 351 ర‌న్స్ చేసింది. రెండో వ‌న్డేలో పేల‌వమైన ప్ర‌ద‌ర్శ‌న‌తో తీవ్ర విమ‌ర్శ‌లు ఎదుర్కొన్న భార‌త్ రోహిత్ శ‌ర్మ‌, విరాట్ కోహ్లీ లేకుండానే అద్భుత‌మైన ఆట తీరు ప్ర‌ద‌ర్శించింది.

IND vs WI 3rd ODI Updates

ఓపెన‌ర్లు ఇషాన్ కిష‌న్ , శుభ్ మ‌న్ గిల్ ఆరంభంలో జ‌ట్టుకు గ‌ట్టి పునాది వేశారు. అనంత‌రం వ‌చ్చిన కేర‌ళ స్టార్ సంజూ శాంస‌న్ , సూర్య కుమార్ యాద‌వ్, హార్దిక్ పాండ్యా దంచి కొట్టారు. దీంతో భారీ స్కోర్ సాధ్య‌మైంది. శుభ్ మ‌న్ గిల్ 11 ఫోర్ల‌తో 85 ర‌న్స్ చేశాడు. ఇషాన్ కిష‌న్ 64 బంతులు ఎదుర్కొని 3 సిక్స‌ర్లు 8 ఫోర్ల‌తో 77 ప‌రుగులు చేయ‌గా సంజూ శాంస‌న్ కేవ‌లం 41 బంతులు మాత్ర‌మే ఎదుర్కొని 4 సిక్స‌ర్లు 2 ఫోర్ల‌తో 51 ర‌న్స్ చేశాడు.

కెప్టెన్ పాండ్యా 52 బంతులు ఎదుర్కొని 4 ఫోర్లు 5 సిక్స‌ర్ల‌తో 70 ప‌రుగులు చేసి నాటౌట్ గా నిలిచాడు. రుతురాజ్ గైక్వాడ్ 8 ప‌రుగులే చేసి నిరాశ ప‌రిచాడు. ఆ త‌ర్వాత వ‌చ్చిన సూర్య కుమార్ యాద‌వ్ 2 ఫోర్లు 2 సిక్స‌ర్ల‌తో 35 ర‌న్స్ చేశాడు. అనంత‌రం భారీ టార్గెట్ తో బ‌రిలోకి దిగిన విండీస్ 151 ర‌న్స్ కే ఆలౌటైంది. దీంతో సీరీస్ భార‌త్ వ‌శ‌మైంది.

Also Read : TTD Srivani Trust : శ్రీ‌వాణి ట్ర‌స్టుపై నిజ నిర్దార‌ణ క‌మిటీ