Sanju Samson Offer : ‘ఐర్లాండ్’ ఆఫ‌ర్ ‘సంజూ’ డోంట్ కేర్
ఎంపిక చేయ‌క పోయినా దేశం కోసం ఆడ‌తా
Sanju Samson Offer : భార‌త క్రికెట్ జ‌ట్టులో ఇప్పుడు చ‌ర్చ‌నీయాంశంగా మారిన ఏకైక క్రికెట‌ర్ ఎవ‌రైనా ఉన్నారా అంటే ఒకే ఒక్క‌డు అత‌డు కేర‌ళ స్టార్ , రాజ‌స్తాన్ రాయ‌ల్స్ జ‌ట్టు కెప్టెన్ సంజూ శాంస‌న్(Sanju Samson) . గ‌త కొంత కాలం నుంచీ బాగా రాణిస్తున్నా భార‌త క్రికెట్ కంట్రోల్ బోర్డు ప‌క్క‌న పెడుతోంది.
దీంతో పెద్ద ఎత్తున విమ‌ర్శ‌లు వెల్లువెత్తుతున్నాయి. సోష‌ల్ మీడియాలో మోస్ట్ ట్రెండింగ్ లో కొన‌సాగుతున్నాడు సంజూ శాంస‌న్. దేశంలో జ‌రిగిన ఇండియ‌న్ ప్రిమీయ‌ర్ లీగ్ లో ఈసారి ఐపీఎల్ లో త‌న జ‌ట్టును ఫైన‌ల్ కు చేర్చాడు. అద్భుత‌మైన కెప్టెన్ గా పేరు తెచ్చుకున్నాడు.
కానీ అత‌డిని కావాల‌ని ప‌క్క‌న పెడుతూ వ‌చ్చింది సెలెక్ష‌న్ క‌మిటీ. ఇదే స‌మ‌యంలో శాంస‌న్ కు క‌నీసం 10 మ్యాచ్ లు వ‌రుస‌గా ఆడేందుకు ఛాన్స్ ఇవ్వాల‌ని సూచించాడు భార‌త జ‌ట్టు మాజీ హెడ్ కోచ్, ప్ర‌ముఖ కామెంటేట‌ర్ ర‌విశాస్త్రి. ఇక పాకిస్తాన్ మాజీ క్రికెట‌ర్ డానిష్ క‌నేరియా అయితే బీసీసీఐ నిప్పులు చెరిగాడు.
సంజూ శాంస‌న్ గ‌నుక త‌మ దేశంలో ఆడితే ఎప్పుడో స్టార్ అయి పోయేవాడ‌ని పేర్కొన్నాడు. ఇదిలా ఉండ‌గా తాజాగా కేర‌ళ స్టార్ కు అరుదైన ఆఫ‌ర్ ల‌భించింది. చాలా ఏళ్లుగా భార‌త జ‌ట్టులో చోటు కోసం ఎదురు చూస్తున్న సంజూ శాంస‌న్(Sanju Samson) కి ఐర్లాండ్ క్రికెట్ బోర్డు బంప‌ర్ ఆఫ‌ర్ ఇచ్చింది.
త‌మ దేశం త‌ర‌పున ఆడేందుకు రావాల‌ని కోరింది. కావాల్సినంత డ‌బ్బులు ఇస్తామ‌ని తెలిపింది. కానీ సంజూ శాంస‌న్ సున్నితంగా తిర‌స్క‌రించాడు. త‌న‌కు జ‌ట్టులో స్థానం కంటే దేశం గొప్ప‌ద‌ని దాని కోసం ఆడ‌తాన‌ని ప్ర‌క‌టించాడు. ఇప్పుడు మ‌రోసారి శాంస‌న్ వైర‌ల్ గా మారాడు.
Also Read : కొత్తోళ్ల‌కు ఛాన్స్ శాంస‌న్ ‘మిస్’