Jawan Teaser : జూలై 7న షారుక్ ఖాన్ జ‌వాన్ టీజ‌ర్
సెప్టెంబ‌ర్ 7న సినిమా విడుద‌ల
Jawan Teaser : బాలీవుడ్ బాద్ షా షారుఖ్ ఖాన్ న‌టించిన జ‌వాన్ చిత్రంపై భారీ ఎత్తున అంచ‌నాలు ఉన్నాయి. ఇప్ప‌టికే ఆయ‌న తో పాటు మిల్క్ బ్యూటీ దీపికా ప‌దుకొనే క‌లిసి న‌టించిన ప‌ఠాన్ దుమ్ము రేపింది. అంచ‌నాల‌కు మించి భారీ ఎత్తున వ‌సూళ్లు సాధించింది. బాద్ షా త‌న సినీ కెరీర్ లోనే అత్య‌ధిక వ‌సూళ్ల‌ను సాధించిన మూవీగా నిలిచింది. తాజాగా షారుక్ ఖాన్ న‌టించిన జ‌వాన్ చిత్రానికి సంబంధించిన టీజ‌ర్ ను వ‌చ్చే నెల జూలై 7న విడుద‌ల చేయ‌నున్న‌ట్లు మూవీ మేక‌ర్స్ ప్ర‌క‌టించారు.
దీనిపై గంపెడు ఆశ‌లు పెట్టుకున్నారు బాద్ షా ఫ్యాన్స్. అంతే కాకుండా ముంద‌స్తుగానే సంచ‌ల‌న ప్ర‌క‌ట‌న చేశారు. వ‌చ్చే సెప్టెంబ‌ర్ 7న జ‌వాన్(Jawan) సినిమాను ప్ర‌పంచ వ్యాప్తంగా భారీ ఎత్తున విడుద‌ల చేస్తామ‌ని తెలిపారు. రెండు నెల‌ల నుంచే సినిమాకు సంబంధించిన ప్ర‌మోష‌న్స్ మొద‌లు పెట్ట‌నున్న‌ట్లు పేర్కొన్నారు. కాగా భార‌త దేశంలో ఒక క్యాలెండ‌ర్ ఇయ‌ర్ లో రూ. 1,000 కోట్ల వ‌సూలు చేసిన సినిమాల‌ను సాధించిన మొద‌టి స్టార్ గా షారుఖ్ ఖాన్ చ‌రిత్ర సృష్టించాడు.
ఈ సినిమాకు ద‌ర్శ‌కుడు అట్లీ. త‌మిళ సినీ రంగంలో మోస్ట్ పాపుల‌ర్ డైరెక్ట‌ర్ గా పేరు పొందాడు. అత‌డి టేకింగ్ , మేకింగ్ డిఫ‌రెంట్ గా ఉంటుంది. ఇక షారుఖ్ ఖాన్ తో పాటు ప్ర‌ముఖ న‌టి న‌య‌న‌తార కూడా ఇందులో న‌టిస్తుండ‌డం విశేషం. షారుఖ్ ఖాన్ తో పాటు విజ‌య్ సేతుప‌తి కీల‌క పాత్ర పోషిస్తున్నాడు.
Also Read : North Korea Holds : అమెరికాపై యుద్దానికి సిద్దం – కొరియా