Kamal Haasan Joins : ప్రాజెక్ట్ – కె షూటింగ్ లో క‌మ‌ల్ హాసన్
ఆనందంగా ఉంద‌న్న అమితాబ్ బ‌చ్చ‌న్
Kamal Haasan Joins : ప్ర‌ముఖ ద‌ర్శ‌కుడు నాగ్ అశ్విన్ ద‌ర్శ‌క‌త్వంలో డార్లింగ్ ప్ర‌భాస్ , దీపికా ప‌దుకొనే క‌లిసి న‌టిస్తున్న ప్రాజెక్ట్ – కె మూవీ షూటింగ్ శ‌ర‌వేగంగా కొన‌సాగుతోంది. ప్ర‌భాస్ కు ఇది భారీ ప్రాజెక్టు. అద్భుత‌మైన రీతిలో తెర‌కెక్కించే ప‌నిలో ప‌డ్డాడు నాగ్ అశ్విన్. ఇందులో ఎన్నుకున్న న‌టులు కూడా దిగ్గ‌జాలే. ఒక‌వేళ ఈ సినిమా గ‌నుక విడుద‌లైతే తొలి రోజులోనే రూ. 1,000 కోట్లు కొల్ల‌గొట్ట‌డం ఖాయ‌మ‌ని సంచ‌ల‌న కామెంట్స్ చేశారు ప్ర‌ముఖ ద‌ర్శ‌కుడు త‌మ్మారెడ్డి భ‌ర‌ద్వాజ.
ఇదిలా ఉండ‌గా ప్రాజెక్ట్ – కె చిత్రంలో ప్ర‌భాస్ తో పాటు అందాల ముద్దుగుమ్మ దీపికా ప‌దుకొనే , బిగ్ బి అమితాబ్ బ‌చ్చ‌న్ , దిశా పటానీ , క‌మ‌ల్ హాసన్(Kamal Haasan) న‌టిస్తున్నారు. దీంతో ఈ చిత్రంపై భారీ అంచ‌నాలు నెల‌కొన్నాయి. ఇంకా విడుద‌లే కాలేదు అప్పుడే సినిమా రైట్స్ కోసం భారీ ఎత్తున మంత‌నాలు సాగుతున్నాయి. షూటింగ్ కు సంబంధించి శుక్ర‌వారం కీల‌క అప్ డేట్ ఇచ్చారు మూవీ మేక‌ర్స్. ట్విట్ట‌ర్ వేదిక‌గా ఆస‌క్తిక‌రమైన వార్త పంచుకున్నారు. క‌మ‌ల్ హాసన్ ఇవాళ్టి షూటింగ్ షెడ్యూల్ లో జాయిన్ అయ్యారంటూ పేర్కొన్నారు.
ఇదిలా ఉండ‌గా క‌మ‌ల్ హాసన్ రాక‌తో త‌న‌కు మ‌రింత సంతోషం క‌లుగుతోంద‌ని స్ప‌ష్టం చేశారు బిగ్ బి అమితాబ్ బ‌చ్చ‌న్. ఎందుకంటే భార‌తీయ సినీ జ‌గ‌త్తులో క‌మ‌ల్, అమితాబ్ ఇద్ద‌రూ దిగ్గ‌జ న‌టులు కావ‌డం విశేషం. ఇద్ద‌రూ క‌లిసి న‌టిస్తే సినిమా ఏ రేంజ్ లో ఉంటుందో అంచ‌నా వేసుకోవ‌చ్చు.
Also Read : MK Stalin Governor : గ‌వ‌ర్న‌ర్ ర‌విపై స్టాలిన్ గుస్సా