Kamal Haasan Vijay : ప్ర‌ధాన ఆక‌ర్ష‌ణ‌గా నిలిచిన క‌మ‌ల్..విజయ్
హాజ‌రైన న‌టులు దునియా విజయ్ ..శివ‌రాజ్ కుమార్
Kamal Haasan Vijay : క‌ర్ణాట‌క‌లో కొలువు తీరిన కాంగ్రెస్ పార్టీ ప్ర‌మాణ స్వీకారోత్స‌వం అంగ‌రంగ వైభ‌వంగా జ‌రిగింది. దేశంలోని వివిధ పార్టీల‌కు చెందిన నాయ‌కులు హాజరయ్యారు. ఈ కార్య‌క్ర‌మంలో హైలెట్ గా నిలిచారు న‌టులు క‌మ‌ల్ హాస‌న్(Kamal Hassan) , శివ‌రాజ్ కుమార్, దునియా విజయ్(Vijay). వారిని సాద‌రంగా ఆహ్వానించారు డిప్యూటీ సీఎం డీకే శివ‌కుమార్.
వీరితో పాటు సీఎంలు నితీశ్ కుమార్ , ఎంకే స్టాలిన్, అశోక్ గెహ్లాట్, భూపేష్ బూఘేల్ , మాజీ సీఎంలు ఫ‌రూక్ అబ్దుల్లా, మెహ‌బూబా ముఫ్తీ, డిప్యూటీ సీఎం తేజ‌స్వి యాద‌వ్ తో పాటు సీపీఎం నేత‌లు డి. రాజా, సీతారాం ఏచూరి, ఎన్సీపీ చీఫ్ శ‌ర‌ద్ ప‌వార్ హాజరయ్యారు.
ఏఐసీసీ చీఫ్ మ‌ల్లికార్జున్ ఖ‌ర్గే, మాజీ చీఫ్ రాహుల్ గాంధీ, ప్రియాంక గాంధీ ప్ర‌త్యేకంగా హాజరయ్యారు. ఈ కీల‌క కార్య‌క్ర‌మానికి అతిర‌థ మ‌హార‌థులు హాజ‌రు కావ‌డంతో ప్ర‌జ‌లు పెద్ద ఎత్తున హ‌ర్ష‌ధ్వానాల‌తో జేజేలు ప‌లికారు. ప్ర‌జ‌లు అందించిన ఈ తీర్పు శిరోధార్య‌మ‌ని, తాము ఇచ్చిన హామీల‌ను త్వ‌ర‌లోనే నెర‌వేరుస్తామ‌ని ప్ర‌క‌టించారు సీఎం సిద్ద‌రామ‌య్య, డిప్యూటీ సీఎం డీకే శివ‌కుమార్.
అంత‌కు ముందు ఎనిమిది మంది మంత్రులుగా ప్ర‌మాణ స్వీకారం చేశారు. ఎస్సీ సామాజిక వ‌ర్గానికి చెందిన జి. ప‌ర‌మేశ్వ‌ర, ఎస్సీకి చెందిన కేహెచ్ మునియ‌ప్ప, మైనార్టీ,క్రిస్టియ‌న్ వ‌ర్గానికిచెందిన కేజీ జార్జ్ , లింగాయ‌త్ కు చెందిన ఎంబీ పాటిల్ , ఎస్టీ వాల్మీకి కులానికి చెందిన స‌తీష్ జార్కి హోళీ, మ‌ల్లికార్జున్ ఖ‌ర్గే కుమారుడు ప్రియాంక్ ఖ‌ర్గే ,రెడ్డి సామాజిక వ‌ర్గానికి చెందిన రామ లింగా రెడ్డి, మైనార్టీ వ‌ర్గానికి చెందిన జ‌మీర్ అహ్మ‌ద్ ఖాన్ ఉన్నారు.
Also Read : Tejashvi Yadav