MI vs KKR IPL 2022 : క‌మిన్స్ విధ్వంసం కోల్ క‌తా విజ‌యం

MI vs KKR IPL 2022  : ఆసిస్ స్టార్ ఆట‌గాడు పాట్ క‌మిన్స్ మార‌థాన్ ఇన్నింగ్స్ దెబ్బ‌కు ముంబై ఇండియ‌న్స్ ( MI vs KKR IPL 2022 )ఠారెత్తింది. పాకిస్తాన్ టూర్ పూర్త‌యిన వెంట‌నే ఇండియాలో అడుగు పెట్టాడు. వ‌చ్చీ రావ‌డంతోనే దాడి చేయ‌డం మొద‌లు పెట్టాడు.

ఇంకేం కోల్ క‌తా నైట్ రైడ‌ర్స్ ఘ‌న విజ‌యాన్ని సాధించింది. పాయింట్ల ప‌ట్టిక‌లో టాప్ లో నిలిచింది. ఐపీఎల్ 2022లో భాగంగా ముంబై వేదిక‌గా జ‌రిగిన లీగ్ మ్యాచ్ లో కేకేఆర్ స్కిప్ప‌ర్ శ్రేయ‌స్ అయ్య‌ర్ టాస్ గెలిచి ఫీల్డింగ్ ఎంచుకున్నాడు.

4 వికెట్లు కోల్పోయి 161 ప‌రుగులు చేసింది ముంబై ఇండియ‌న్స్. సూర్య కుమార్ యాద‌వ్ హాఫ్ సెంచ‌రీతో మెరిస్తే తిల‌క్ వ‌ర్మ మ‌రోసారి రాణించాడు. 38 ప‌రుగులు చేశాడు.

ఆఖ‌రులో వ‌చ్చిన కిర‌న్ పొలార్డ్ 25 ప‌రుగులు చేసి స‌త్తా చాటాడు. ఇక స్వ‌ల్ప టార్గెట్ తో బ‌రిలోకి దిగిన కోల్ క‌తా నైట్ రైడ‌ర్స్ సాహో అనేలా ఆడింది. ఇక వ‌చ్చీ రావ‌డంతోనే దంచి కొట్ట‌డం మొద‌లు పెట్టాడు.

ముంబై ఇండియ‌న్స్ బౌల‌ర్ల‌కు చుక్క‌లు చూపించాడు పాట్ కమిన్స్. పూన‌కం వ‌చ్చినట్లుగా ఆడాడు. కేవ‌లం 14 బంతుల్లో హాఫ్ సెంచ‌రీ సాధించాడు. ఐపీఎల్ హిస్ట‌రీలో అరుదైన ఘ‌న‌త సాధించాడు.

దీంతో నాలుగు మ్యాచ్ లు ఆడిన కోల్ క‌తా నైట్ రైడ‌ర్స్ 3 మ్యాచ్ లు గెలుపొంది ఒక మ్యాచ్ ఓడి పోయంది. వెంక‌టేష్ అయ్య‌ర్ కు జ‌త‌గా క‌మిన్స్ ఆకాశ‌మే హ‌ద్దుగా చెల‌రేగాడు.

దీంతో కోల్ క‌తా సంబురాల్లో మునిగి పోతే ముంబై ఇండియ‌న్స్ పేల‌వ‌మైన ఆట తీరుతో తీవ్రంగా నిరాశ ప‌రిచింది.

Also Read : రాణించిన సూర్య..తిల‌క్ వ‌ర్మ