KKR vs LSG IPL 2023 : విరోచిత పోరాటం త‌ప్ప‌ని అప‌జ‌యం

KKR vs LSG IPL 2023 : ఐపీఎల్ 16వ సీజన్ లో చివ‌రి బంతి దాకా న‌రాలు తెగే ఉత్కంఠ‌ను రేపింది లీగ్ మ్యాచ్. కోల్ క‌తా లోని ఈడెన్ గార్డెన్స్ వేదిక‌గా జ‌రిగిన మ్యాచ్ ఆద్యంత‌మూ ఆస‌క్తిక‌రంగా సాగింది. నువ్వా నేనా అన్న రీతిలో కొన‌సాగింది. చివ‌ర‌కు కేవ‌లం ఒకే ఒక్క ప‌రుగు తేడాతో కోల్ క‌తా నైట్ రైడ‌ర్స్(KKR) ఓట‌మి పాలైంది. అసాధార‌ణ‌మైన ఆట తీరును ప్ర‌ద‌ర్శించింది. ఒక ర‌కంగా చెప్పాలంటే ల‌క్నో జెయింట్స్(LSG) చివ‌రి వ‌ర‌కు గెలుస్తామా లేదా అన్న మీమాంస‌లో ఉండి పోయింది.

యూపీ కుర్రాడు రింకూ సింగ్ మ‌రోసారి స‌త్తా చాటాడు. ల‌క్నో బౌల‌ర్ల భ‌ర‌తం ప‌ట్టాడు. ఒకానొక ద‌శ‌లో ఒకే ఒక్క బాల్ గ‌నుక మిగిలి ఉంటే గెలిచి ఉండేది కోల్ క‌తా. ఏది ఏమైనా కేకేఆర్ ప్ర‌ద‌ర్శించిన ఆట తీరుకు ప్ర‌తి ఒక్క‌రు ఫిదా అయ్యారు. ల‌క్నో గెలిచినా కోట్లాది హృద‌యాల‌ను మాత్రం రింకూ సింగ్ గెలుచుకున్నాడు.

ల‌క్నో బౌల‌ర్ల‌ను ఉతికి ఆరేశాడు. క‌ళ్లు చెదిరే షాట్స్ తో అల‌రించాడు. 12 బంతుల్లో 41 ర‌న్స్ చేయాల్సిన ప‌రిస్థితి. కానీ మైదానంలో ఉన్న‌ది రింకూ సింగ్. జ‌ట్టును గెలిపించే బాధ్య‌త‌ను తానే వేసుకున్నాడు. 2 ఓవ‌ర్ల‌లో 4 ఫోర్లు 3 సిక్స‌ర్లు కొట్ఇ 40 ర‌న్స్ పిండుకున్నాడు. భ‌య‌పెట్టాడు ల‌క్నోను.

ఇక మ్యాచ్ విష‌యానికి వ‌స్తే మొద‌ట ల‌క్నో బ్యాటింగ్ కు దిగింది. నిర్ణీత 20 ఓవ‌ర్ల‌లో 8 వికెట్లు కోల్పోయి 176 ర‌న్స్ చేసింది. నికోల‌స్ పూర‌న్ రెచ్చి పోయాడు. 4 ఫోర్లు 5 సిక్స‌ర్ల‌తో 58 ర‌న్స్ చేశాడు. క్వింట‌న్ డికాక్ 28, ప్రేర‌క్ 26 , ఆయుష్ బ‌దోనీ 25 ర‌న్స్ తో రాణించారు. కోల్ క‌తా బౌల‌ర్ల‌లో స‌రైన్ , శార్దూల్ , వైభ‌వ్ చెరో 2 వికెట్లు తీశారు.

అనంత‌రం 177 ప‌రుగుల లక్ష్యంతో బ‌రిలోకి దిగిన కోల్ క‌తా నైట్ రైడ‌ర్స్ 20 ఓవ‌ర్ల‌లో 7 వికెట్లు కోల్పోయి 175 ర‌న్స్ కే ప‌రిమిత‌మైంది. రింకూ సింగ్ 33 బంతుల్లో 67 ర‌న్స్ చేశాడు. ఇందులో 6 ఫోర్లు 4 సిక్స‌ర్లు ఉన్నాయి. జాస‌న్ రాయ్ 47 ర‌న్స్ చేశాడు.

Also Read : David Warner