KKR vs RCB IPL 2023 : కోల్ క‌తా బెంగ‌ళూరు నువ్వా నేనా

KKR vs RCB IPL 2023 : 16వ ఐపీఎల్ సీజన్ లో భాగంగా గురువారం 9వ లీగ్ మ్యాచ్ జ‌ర‌గ‌నుంది. కోల్ క‌తా లోని ఈడెన్ గార్డెన్స్ మైదానంలో రాయ‌ల్ ఛాలెంజ‌ర్స్ బెంగ‌ళూరు కోల్ క‌తా నైట్ రైడ‌ర్స్(KKR vs RCB IPL 2023) తో త‌ల‌ప‌డ‌నుంది. తొలి మ్యాచ్ లో రోహిత్ శ‌ర్మ సార‌థ్యంలోని ముంబై ఇండియ‌న్స్ పై ఆర్సీబీ ఏకంగా 8 వికెట్ల తేడాతో గ్రాండ్ విక్ట‌రీని న‌మోదు చేసింది.

భార‌త క్రికెట్ జ‌ట్టు మాజీ కెప్టెన్, ర‌న్ మెషీన్ గా పేరు పొందిన విరాట్ కోహ్లీ దుమ్ము రేపాడు. దీంతో ఇవాళ జ‌రిగే మ్యాచ్ మ‌రింత ర‌స‌వ‌త్త‌రంగా సాగ‌నుంది. కోల్ క‌తా ఇప్ప‌టి వ‌ర‌కు ఇంకా బోణీ కొట్ట‌లేదు. పంజాబ్ కింగ్స్, గుజ‌రాత్ టైటాన్స్ ఆడిన రెండు మ్యాచ్ ల‌లో గెలుపొంది. ఇక డేవిడ్ వార్న‌ర్ సార‌థ్యంలోని ఢిల్లీ క్యాపిట‌ల్స్ కూడా ఇంకా గెలుపు ఖాతా తెర‌వ‌లేదు.

బాలీవుడ్ బాద్ షా షారుఖ్ ఖాన్ సార‌థ్యంలోని కోల్ క‌తా నైట్ రైడ‌ర్స్(KKR vs RCB) త‌న స్వంత మైదానంలో ఎలాగైనా గెలుపొంది స‌త్తా చాటాల‌ని చూస్తోంది. కేకేఆర్ స్కిప్ప‌ర్ శ్రేయాస్ అయ్య‌ర్ కు గాయం కావ‌డంతో అత‌డి స్థానంలో యాజ‌మాన్యం నితీష్ రాణాను కెప్టెన్ గా ఎంపిక చేసింది. మ‌రో వైపు ముంబైపై గెలుపుతో ఫాఫ్ డు ప్లెసిస్ సార‌థ్యంలోని ఆర్సీబీ ఊపు మీదుంది. ఇరు జ‌ట్ల మ‌ధ్య బిగ్ ఫైట్ జ‌ర‌గడం ఖాయంగా క‌నిపిస్తోంది.

Also Read : నిప్పులు చెరిగిన నాథ‌న్ ఎల్లిస్