LSG vs GT IPL 2023 : గుజ‌రాత్ మ్యాజిక్ ల‌క్నోకు షాక్

LSG vs GT IPL 2023 : యూపీలోని ల‌క్నో వేదిక‌గా జ‌రిగిన ఐపీఎల్ లీగ్ మ్యాచ్ ఆద్యంత‌మూ ఉత్కంఠ భ‌రితంగా సాగింది. చివ‌రి ఓవ‌ర్ కు నువ్వా నేనా అన్న రీతిలో కొన‌సాగుతూ వ‌చ్చింది. ఆఖ‌రుకు 7 ప‌రుగుల తేడాతో గ్రాండ్ విక్ట‌రీని న‌మోదు చేసింది గుజ‌రాత్ టైటాన్స్(LSG vs GT IPL 2023). ల‌క్నో బౌల‌ర్లు అద్భుతంగా బౌలింగ్ చేసినా, ప్ర‌త్య‌ర్థి జ‌ట్టును త‌క్కువ స్కోర్ కే ప‌రిమితం చేసినా చివ‌ర‌కు టార్గెట్ ను అందుకోలేక బోల్తా ప‌డింది.

ముందుగా బ్యాటింగ్ చేసిన గుజ‌రాత్ టైటాన్స్ నిర్ణీత 20 ఓవ‌ర్ల‌లో 6 వికెట్లు కోల్పోయి 135 ర‌న్స్ చేసింది. వృద్ది మాన్ సాహా , కెప్టెన్ హార్దిక్ పాండ్యా ఇద్ద‌రూ అద్భుతంగా ఆడారు. వికెట్లు కోల్పోకుండా జాగ్ర‌త్త ప‌డ్డారు. మిగ‌తా బ్యాట‌ర్లు ఎవ‌రూ రెండెంక‌ల స్కోరు చేయ‌లేక చ‌తికిల ప‌డ్డారు. ఇక సాహా 47 ర‌న్స్ చేస్తే ..పాండ్యా 66 ప‌రుగులు చేసి టాప్ స్కోర‌ర్ గా నిలిచాడు.

ఈ త‌రుణంలో ల‌క్నో సూప‌ర్ జెయింట్స్(LSG vs GT IPL 2023) గెలుస్తుంద‌ని అంతా భావించారు. కానీ గుజ‌రాత్ టైటాన్స్ బౌల‌ర్ల ధాటికి ల‌క్నో బ్యాట‌ర్లు విల విల లాడారు. మోహిత్ శ‌ర్మ , నూర్ అహ్మ‌ద్ లు చెరో రెండు వికెట్లు తీస్తే ర‌షీద్ ఖాన్ ఒక వికెట్ తీశాడు. ల‌క్నో బౌల‌ర్లు అద్భుతంగా బౌలింగ్ చేశారు. కృనాల్ పాండ్యా 2 వికెట్లు , స్టోయినస్ 2 , అమిత్ మిశ్రా ఒక వికెట్ తీశారు.

పాయింట్ల ప‌ట్టిక‌లో టాప్ లోకి దూసుకు వెళ్లింది హార్దిక్ పాండ్యా నేతృత్వం లోని గుజ‌రాత్ టైటాన్స్. మొత్తంగా ఇవాళ జ‌రిగిన మ్యాచ్ ఫ్యాన్స్ కు కొత్త ఉత్సాహాన్ని ఇచ్చింది.

Also Read : ఆదుకున్న పాండ్యా..సాహా