LSG vs PBKS IPL 2023 : ల‌క్నోపై పంజాబ్ థ్రిల్లింగ్ విక్టరీ

LSG vs PBKS IPL 2023 : ఐపీఎల్ 16వ సీజ‌న్ లో జ‌రిగిన కీల‌క లీగ్ మ్యాచ్ లో ల‌క్నో సూప‌ర్ జెయింట్స్ కి కోలుకోలేని షాక్ ఇచ్చింది పంజాబ్ కింగ్స్ ఎలెవ‌న్. చివ‌రి బంతి దాకా నువ్వా నేనా అన్న రీతిలో పోటీ కొన‌సాగింది. చివ‌ర‌కు పంజాబ్ కింగ్స్ 2 వికెట్ల‌ తేడాతో గ్రాండ్ విక్ట‌రీని న‌మోదు చేసింది.

కెప్టెన్ శిఖ‌ర్ ధావ‌న్ ఈ మ్యాచ్ కు దూరంగా ఉండ‌డంతో అత‌డి స్థానంలో శామ్ క‌ర‌న్ కెప్టెన్ గా వ్య‌వ‌హ‌రించాడు. టాస్ గెలిచిన క‌ర‌న్ ముందుగా ఫీల్డింగ్ ఎంచుకున్నాడు. పాచిక పారింది. ల‌క్నో ఓడింది. ఇక పంజాబ్ కింగ్స్(LSG vs PBKS IPL 2023) ఎలెవ‌న్ ఖాతాలో ఇది మూడో విజ‌యం. ముందుగా బ్యాటింగ్ చేసిన ల‌క్నో సూప‌ర్ జెయింట్స్ 8 వికెట్లు కోల్పోయి 159 ర‌న్స్ చేసింది. అనంత‌రం బ‌రిలోకి దిగిన పంజాబ్ కింగ్స్ ఎలెవ‌న్ 19.3 ఓవ‌ర్ల‌లో 8 వికెట్లు కోల్పోయి 160 ర‌న్స్ చేసి విజ‌యం సాధించింది.

ఇక ల‌క్నో త‌ర‌పున కెప్టెన్ కేఎల్ రాహుల్ స‌త్తా చాటాడు. 56 బంతులు ఎదుర్కొన్న రాహుల్ 8 ఫోర్లు 1 సిక్స్ కొట్టాడు. 74 ప‌రుగులు చేశాడు. కెప్టెన్ కు జ‌త‌గా కైల్ మేయ‌ర్స్ 23 బాల్స్ ఎదుర్కొని 1 ఫోర్ 3 సిక్స్ ల‌తో 29 ర‌న్స్ చేశాడు. పాండ్యా 15, స్టాయినిస్ 15 ప‌రుగుల‌తో రాణించారు.

అనంత‌రం మైదానంలోకి దిగిన పంజాబ్ కింగ్స్ లో సికింద‌ర్ ర‌జా 41 బంతులు ఆడి 4 ఫోర్లు 3 సిక్స్ ల‌తో 57 ర‌న్స్ చేశాడు. షారుక్ ఖాన్ 10 బంతుల్లో 1 ఫోర్ 2 సిక్స‌ర్ల‌తో 23 ర‌న్స్ చేశాడు. షార్ట్ 34 ప‌రుగుల‌తో ఆక‌ట్టుకున్నాడు.

Also Read : ఢిల్లీ ప‌రాజ‌యం ప‌రిస‌మాప్తం