Madhuri Dixit : మాధురీ దీక్షిత్ ‘క‌చా బాదం’ వైర‌ల్

Madhuri Dixit  : దేశంలో ఎప్పుడు ఎవ‌రు వైర‌ల్ గా మారుతారో, సెన్సేష‌న్ అవుతారో చెప్ప‌డం క‌ష్టం. తాజాగా ఇండియాను ఒకే ఒక్క సాంగ్ షేక్ చేస్తోంది. అది చిన్నారుల నుంచి వృద్దుల దాకా , పామ‌రులు, పండితులే కాదు సినీ సెల‌బ్రెటీల‌ను సైతం మెస్మైర‌జ్ చేస్తోంది.

భార‌తీయ వెండి తెర పై త‌న‌కంటూ ఓ స్పెష‌ల్ ఇమేజ్ క‌లిగిన ఏకైక న‌టి , అద్భుత‌మైన డ్యాన్స‌ర్ గా పేరొందింది మాధురీ దీక్షిత్(Madhuri Dixit ). ఆమె వ‌య‌సు 50 ఏళ్లు దాటినా ఇంకా త‌న‌లో టాలెంట్ త‌గ్గ‌లేద‌నడానికి ఈ ఒక్క వీడియో పాట‌కు చేసిన డ్యాన్స్ చాలు.

తాజాగా క‌చా బాదం సాంగ్ కు మాధురీ దీక్షిత్ తో పాటు రితీష్ దేశ్ ముఖ్ క‌లిసి డ్యాన్స్ చేయ‌డం. ఆ వీడియో నెట్టింట్లో ప్ర‌సారం కావ‌డంతో ఇప్పుడు వైర‌ల్ గా మారింది. ఎక్క‌డ చూసినా వారెవ్వా మాధురీ అంటున్నారు.

ఆమె నాట్యం ముందు పోటీ ప‌డ‌లేక పోయాడు యంగ్ రితేష దేశ్ ముఖ్. గ‌తంలో ఆమె చేసిన అన్ని డ్యాన్స్ నంబ‌ర్స్ కంటే ఈ క‌చా బాదంకు చేసిన డ్యాన్స్ సింప్లీ సూప‌ర్బ్. త‌న‌లో టాలెంట్ అలాగే ఉంద‌ని దానిని ఎవ‌రూ ఎదుర్కోలేర‌ని అంటున్నారు మాధురీ దీక్షిత్(Madhuri Dixit )అభిమానులు.

సామాజిక మాద్యమం ద్వారా విడుద‌లైన క‌చా బాదం ఇంకా రోజు రోజుకు ఆద‌ర‌ణ చూర‌గొంటోంది. భుబ‌న్ బ‌డైక‌ర్ పాట దుమ్ము రేపుతోంది.

ఇక ఇందులో మాధురీ దీక్షిత్ సిల్వ‌ర్ క‌ల‌ర్ లెహంగా ధ‌రించి ఉండ‌గా రితేష్ బ్లాక్ క‌ల‌ర్ సూట్ ధ‌రించాడు. క‌చా బాదం పాట‌కు స్టెప్పులు వేస్తూ, అనుక‌రిస్తూ చేసిన నృత్యానికి జ‌నం ఫిదా అవుతున్నారు.

Also Read : గ్రామీ అవార్డు పొందిన ఫ‌ల్గుణి షా