Mehidy Hasan Miraz : మిరాజ్ మార‌థాన్ ఇన్నింగ్స్

Mehidy Hasan Miraz : నిన్న‌టి దాకా బంగ్లాదేశ్ లో మెహ‌దీ హ‌స‌న్ మిరాజ్ ఓ క్రికెట‌ర్ గా మాత్ర‌మే తెలుసు. కానీ బంగ్లా టూర్ లో ప‌ర్య‌టించిన భార‌త్ కు చుక్క‌లు చూపించాడు. ఒక ర‌కంగా చెప్పాలంటే బౌల‌ర్ల పాలిట సింహ స్వ‌ప్నంగా మారాడు. మూడు వ‌న్డేల సీరీస్ లో రెండు వ‌న్డేల‌ను ఒంటి చేత్తో గెలిపించాడు.

తొలి వ‌న్డేలో ఓడి పోతుంద‌ని అంతా అనుకున్న స‌మ‌యంలో భార‌త బౌల‌ర్ల‌కు చుక్క‌లు చూపించాడు. ఆపై ద‌గ్గ‌రుండి త‌న జ‌ట్టుకు విజ‌యాన్ని చేకూర్చి పెట్టాడు మిరాకిల్ మిరాజ్. ఇక రెండో వ‌న్డేలో సేమ్ సీన్ కానీ ఒకానొక ద‌శ‌లో 69 ప‌రుగుల‌కే 6 వికెట్లు కోల్పోయి ఇబ్బందుల్లో ఉన్న జ‌ట్టుకు గౌర‌వ ప్ర‌ద‌మైన‌, భారీ స్కోర్ సాధించేలా చేశాడు.

ఏకంగా సెంచ‌రీ చేసి ఔరా అనిపించేలా చేశాడు. ప్ర‌స్తుతం బంగ్లాదేశ్ లో ఒక్క‌సారిగా స్టార్ హీరోగా మారి పోయాడు. ఇప్పుడు ఎక్క‌డ చూసినా మిరాజ్ జ‌పం చేస్తున్నారు అక్క‌డి క్రికెట్ అభిమానులు. ఏ మాత్రం తొట్రుపాటుకు లోనవ‌కుండా అటాకింగ్ చేస్తూ షాక్ ఇచ్చాడు మిరాజ్(Mehidy Hasan Miraz).

క‌నీసం 100 ప‌రుగులైనా చేస్తుందా అన్న అనుమానంలో ఉన్న అభిమానుల‌కు మ‌రోసారి త‌న స‌త్తా ఏమిటో చాటాడు. ఏ ఒక్క‌రినీ విడిచి పెట్ట‌లేదు. ప్ర‌తి భార‌త బౌల‌ర్ ను ఉతికి ఆరేశాడు. ఫోర్లు , సిక్స‌ర్ల‌తో విరుచుకు ప‌డ్డాడు. విచిత్రం ఏమిటంటే మెహ‌దీ హ‌స‌న్ మిరాజ్ ఇన్నింగ్స్ చివ‌రి బంతికి సెంచరీ పూర్తి చేశాడు.

అత‌ని వ‌న్డే కెరీర్ లో ఇది తొలి సెంచ‌రీ కావ‌డం విశేషం. మొత్తం మిరాజ్ 83 బంతులు ఎదుర్కొన్నాడు. ఇందులో 4 ఫోర్లు , 8 సిక్స‌ర్లు ఉన్నాయి.

Also Read : బౌలింగ్ వైఫ‌ల్యం వ‌ల్లే ప‌రాజ‌యం