Mohan Babu CBN : చంద్ర‌బాబుతో మోహ‌న్ బాబు భేటీ
రెండు గంట‌ల‌కు పైగా స‌మావేశం
Mohan Babu CBN : ప్ర‌ముఖ సినీ న‌టుడు మంచు మోహ‌న్ బాబు చంద్ర‌బాబు నాయుడి(Mohan Babu CBN) తో భేటీ అయ్యారు. గ‌త కొంత కాలంగా ఈ ఇద్ద‌రి మ‌ధ్య గ్యాప్ పెరిగింది. ఇద్ద‌రూ చిత్తూరు జిల్లాకు చెందిన వారే.
సుదీర్ఘ రాజ‌కీయ అనుభవం క‌లిగిన వారు ఒక‌రైతే మ‌రొక‌రు సినీ రంగంలో త‌న‌కంటూ ఓ స్పెష‌ల్ ఇమేజ్ ను కలిగి ఉన్నారు. వైసీపీతో కొంత సంబంధాలు కొన‌సాగిస్తూ వ‌చ్చింది మంచు వారి ఫ్యామిలీ. ఇటు చంద్ర‌బాబు నాయుడితో కూడా మంచి బంధ‌మే ఉంది.
ఆ మ‌ధ్య ఆయ‌న ప‌వ‌ర్ లో ఉన్న స‌మ‌యంలో ఫీజు రీయింబర్స్ మెంట్ కు సంబంధించి మోహ‌న్ బాబు ఆందోళ‌న కూడా చేశారు. ఆ త‌ర్వాత కొంత ఆగ్ర‌హంగా కూడా ఉన్నారు.
మ‌రి ఏమైందో ఏమో కానీ ఈ డైలాగ్ కింగ్ ఉన్న‌ట్టుండి మ‌న‌సు మార్చుకున్నారు. ఆయ‌నది చిన్న పిల్లాడి మ‌న‌స్త‌త్వం అంటారు. ముక్కుసూటిగా వెళ్లే వ్య‌క్తిగా పేరుంది మోహ‌న్ బాబుకి.
ఇదిలా ఉండ‌గా ఇటీవ‌ల తెలుగు సినిమా ఇండస్ట్రీలో మూవీ ఆర్టిస్ట్స్ అసోసియేష‌న్ ఎన్నిక‌లు సార్వ‌త్రిక ఎన్నిక‌ల‌ను త‌ల‌పింప చేశాయి.
ప్ర‌కాశ్ రాజ్ కి మెగా ఫ్యామిలీ స‌పోర్ట్ చేస్తే మంచు విష్ణు ఫ్యామిలీకి బేష‌ర‌త్తుగా మ‌రో అగ్ర న‌టుడు బాల‌య్య బాబు మ‌ద్ద‌తుగా నిలిచారు. దక్షిణాదిన ఈ ఎన్నిక‌లు అత్యంత ప్రాధాన్య‌త‌ను సంత‌రించుకున్నాయి.
ఈ త‌రుణంలో బాల‌య్య ద‌గ్గ‌రుండి గెలిపించార‌న్న ప్ర‌చారం సాగుతోంది. ఇదే స‌మ‌యంలో బాల‌య్యే మోహ‌న్ బాబుని చంద్ర‌బాబుతో క‌లిసి మాట్లాడుకోండంటూ సూచించిన‌ట్లు తెలుస్తోంది.
ఏది ఏమైనా ప్ర‌స్తుతం మోహ‌న్ బాబు త‌న కూతురితో క‌లిసి చంద్ర‌బాబు నాయుడిని క‌ల‌వ‌డం చ‌ర్చ‌నీయాంశంగా మారింది. సోష‌ల్ మీడియాలో హ‌ల్ చ‌ల్ చేస్తోంది.
Also Read : వ‌ర‌ద‌ల్లో సైతం సీఎం సాయం