Chetan Sakariya : నా క‌ల నెర‌వేరింది – స‌కారియా

Chetan Sakariya : ఐపీఎల్ లో అద్భుత‌మైన బ్యాటింగ్ తో రాణిస్తున్న ఏకైక ఆట‌గాడు, స్టార్ హిట్టర్ ఇంగ్లండ్ క్రికెట‌ర్ జోస్ బ‌ట్ల‌ర్. ఇప్ప‌టికే టోర్నీలో అత్య‌ధిక ప‌రుగులు చేసిన ప్లేయ‌ర్ గా టాప్ లో ఉన్నాడు.

రాజ‌స్థాన్ రాయ‌ల్స్ సాధించిన విజ‌యాల‌లో అత‌డిదే కీల‌క పాత్ర‌. జోస్ ను అవుట్ చేస్తే రాజ‌స్థాన్ ప‌ని ఖ‌తం అన్నంత‌గా త‌న‌ను తాను ప్రూవ్ చేసుకున్నాడు.

ఇక లీగ్ మ్యాచ్ లో భాగంగా ఢిల్లీతో జ‌రిగిన మ్యాచ్ లో చేత‌న్ స‌కారియా అద్భుత‌మైన బంతితో బోల్తా కొట్టించాడు జోస్ బ‌ట్ల‌ర్ ను. కేవ‌లం 7 ప‌రుగులు మాత్ర‌మే చేసి పెవిలియ‌న్ బాట ప‌ట్టాడు.

4 ఓవ‌ర్లు వేసిన స‌కారియా(Chetan Sakariya) 25 ప‌రుగులు ఇచ్చి రెండు కీల‌క వికెట్లు తీశాడు.

మ‌రో వైపు నోట్జే సూప‌ర్ స్పెల్ కు మ‌రో హిట్ట‌ర్ సంజూ శాంస‌న్ వికెట్ పారేసుకున్నాడు. 8 వికెట్ల తేడాతో ఢిల్లీ గెలుపొందింది.

ప్లే ఆఫ్స్ ఆశ‌లు స‌జీవంగా ఉంచుకుంది. ఈ త‌రుణంలో మ్యాచ్ అనంత‌రం చేత‌న్ స‌కారియా మాట్లాడాడు. త‌న క‌ల నెర‌వేరింద‌ని చెప్పాడు.

జోస్ బట్ల‌ర్ ను అవుట్ చేయాల‌ని అనుకున్నాన‌ని అది ఐపీఎల్ లో సాధ్య‌మైంద‌ని పేర్కొన్నాడు.

ఇదిలా ఉండ‌గా గ‌తంలో చేత‌న్ స‌కారియా ఇదే రాజ‌స్థాన్ రాయ‌ల్స్ కు ప్రాతినిధ్యం వ‌హించాడు. చేత‌న్ స‌కారియాది(Chetan Sakariya) గుజ‌రాత్ లోని భావ్ న‌గ‌ర్ వ‌ర్తేజ్. 28 ఫిబ్ర‌వ‌రి 1998లో పుట్టాడు.

ఎడ‌మ చేతి వాటం బ్యాట‌ర్. లెఫ్ట్ ఆర్మ్ మీడియం ఫాస్ట్ బౌల‌ర్. భార‌త జ‌ట్టు త‌ర‌పున 23 జూలై 2021లో శ్రీ‌లంక‌తో అరంగేట్రం చేశాడు. ఇదే ఏడాది జూలై 28న టీ20 లో ఆడాడు స‌కారియా.

2018 నుంచి సౌరాష్ట్ర‌కు ప్రాతినిధ్యం వ‌హిస్తుండ‌గా 2021లో ఐపీఎల్ లో రాజ‌స్థాన్ త‌ర‌పున ఆడాడు. ఈ ఏడాది ఢిల్లీ క్యాపిట‌ల్స్ అత‌డిని తీసుకుంది.

Also Read : విరాట్ కోహ్లీ కోసం అల్లాను ప్రార్థిస్తా