Nehal Wadhera : వ‌ధేరా ఇన్నింగ్స్ అదుర్స్

Nehal Wadhera : ఐపీఎల్ 16వ సీజ‌న్ లో భాగంగా ముంబై వేదిక‌గా జ‌రిగిన కీల‌క మ్యాచ్ లో రాయ‌ల్ ఛాలెంజ‌ర్స్ కు ముంబై ఇండియ‌న్స్ బిగ్ షాక్ ఇచ్చింది. 4 వికెట్ల తేడాతో గ్రాండ్ విక్ట‌రీని న‌మోదు చేసింది. ఊహించ‌ని రీతిలో ప్లే ఆఫ్ రేసులో నిలిచింది. పాయింట్ల ప‌ట్టిక‌లో 3వ స్థానానికి చేరుకుంది. 4వ స్థానంలో ఉన్న రాజ‌స్థాన్ రాయ‌ల్స్ 5వ స్థానానికి ప‌డి పోయింది.

ముందుగా బ్యాటింగ్ చేసిన ఆర్సీబీ నిర్ణీత 20 ఓవ‌ర్ల‌లో 199 ర‌న్స్ చేసింది. అనంత‌రం 200 ప‌రుగుల‌తో బ‌రిలోకి దిగిన ముంబై ఇండియ‌న్స్ బెంగ‌ళూరుకు చుక్క‌లు చూపించింది. ఓపెన‌ర్ ఇషాన్ కిషన్ 21 బంతుల్లో 42 ర‌న్స్ చేసి రెచ్చి పోతే క్రీజులోకి వ‌చ్చిన సూర్య కుమార్ యాద‌వ్ నిప్పులు చెరిగాడు. బెంగ‌ళూరు బౌల‌ర్ల భ‌ర‌తం ప‌ట్టాడు. కేవ‌లం 35 బంతులు ఎదుర్కొని 83 ర‌న్స్ చేశాడు.

అత‌డికి తోడు నెహాల్ వ‌ధేరా దుమ్ము రేపాడు. ఆట చివ‌రి వ‌ర‌కు ఉన్నాడు. కేవ‌లం 16.3 ఓవ‌ర్ల‌లోనే అంటే ఇంకా 3 ఓవ‌ర్ల 3 బంతులు మిగిలి ఉండ‌గానే టార్గెట్ ను పూర్తి చేసింది. వ‌ధేరా చివ‌రి దాకా ఉన్నాడు. 52 ప‌రుగులు చేసి ముంబై ఇండియ‌న్స్ విజ‌యంలో కీల‌క పాత్ర పోషించాడు. మొత్తంగా ఆరంభంలో నిరాశ ప‌రిచినా త‌ర్వాత ఊహించ‌ని రీతిలో పుంజుకుంది ముంబై ఇండియ‌న్స్.

ఇదిలా ఉండ‌గా ముంబై ఇండియ‌న్స్ కెప్టెన్ రోహిత్ శ‌ర్మ మ‌రోసారి నిరాశ ప‌రిచాడు. హ‌స‌రంగా బౌలింగ్ లో 7 ప‌రుగుల‌కే వెనుదిరిగాడు. దీంతో ఈ ఐపీఎల్ సీజ‌న్ లో వ‌రుస వైఫ‌ల్యాల‌తో తీవ్ర విమ‌ర్శ‌లు ఎదుర్కొంటున్నాడు.

Also Read : ఇషాన్ కిష‌న్ ధనా ధ‌న్