PCB Pakistan Squad : ఆసియా కప్ కోసం పాక్ జ‌ట్టు డిక్లేర్
నెద‌ర్లాండ్ తో సీరీస్ కు కూడా ప్ర‌క‌ట‌న
PCB Pakistan Squad : పాకిస్తాన్ క్రికెట్ కంట్రోల్ బోర్డు చైర్మ‌న్ ర‌మీజ్ ర‌జా బుధ‌వారం ఈ నెల‌లో జ‌రిగే ఆసియా కప్ లో పాల్గొనే త‌మ జ‌ట్టును ప్ర‌క‌టించాడు. అంతే కాకుండా నెద‌ర్లాండ్ తో జ‌రిగే సీరీస్ లో పాల్గొనే టీంను(PCB Pakistan Squad) కూడా విడుద‌ల చేశాడు.
ఈ రెండింట్లో ఆడే పాకిస్తాన్ టీంకు ఎప్ప‌టి లాగే వ‌ర‌ల్డ్ స్టార్ క్రికెట‌ర్ బాబ‌ర్ ఆజ‌మ్ సార‌థ్యం వ‌హించ‌నున్నాడు. అయితే ఆసియా కప్ , నెద‌ర్లాండ్ జ‌ట్ల‌తో ఆడే జ‌ట్టును మాత్రం వేర్వేరుగా ప్ర‌క‌టించ‌డం విశేషం.
ఇప్ప‌టికే భార‌త క్రికెట్ నియంత్ర‌ణ మండ‌లి (బీసీసీఐ) పెను మార్పులు, చేర్పులు చేస్తూ ఆటాడుకుంటోంది. ఆ జాడ్యం ఇప్పుడు దాయాది పాకిస్తాన్ క్రికెట్ బోర్డుకు కూడా పాకిన‌ట్లుంది.
అస‌లు టీమిండియాలో చివ‌రి మ్యాచ్ ఆడే దాకా ఎవ‌రు ఆడుతున్నారో ఎవ‌రు ఆడ‌డం లేదో తెలియ‌డం లేదు. ఈ ఏడాది అత్యంత ప్ర‌తిష్టాత్మ‌క‌మైన
టి20 వ‌ర‌ల్డ్ కప్ ఆస్ట్రేలియా వేదిక‌గా జ‌ర‌గ‌నుంది.
ఇక అటు ఇండియాకు ఇటు పాకిస్తాన్ తో పాటు ఇత‌ర జ‌ట్లుకు యూఏఈ వేదిక‌గా జ‌రిగే ఆసియా కప్ కీల‌కం కానుంది. ఈ కప్ శ్రీ‌లంక‌లో జ‌ర‌గాల్సి
ఉండ‌గా ప‌రిస్థితులు బాగో లేక పోవ‌డంతో యూఏఈకి మార్చారు.
ఇక పాకిస్తాన్ నెద‌ర్లాండ్ లో ప‌ర్య‌టించే జ‌ట్టు ఇలా ఉంది. బాబ‌ర్ ఆజం కెప్టెన్ కాగా షాదాబా ఖాన్ వైస్ కెప్ట‌న్ . ష‌ఫీక్, ఫ‌ఖ‌ర్ జ‌మాన్ , ర‌వూఫ్ ,
ఇమామ్ ఉల్ హ‌క్ , ఖుస్దిల్ షా, హారీస్ , న‌వాజ్ , రిజ్వాన్ , వసీం జూనియ‌ర్ , న‌సీమ్ షా , అలీ అఘా , షా అఫ్రిదీ , ద‌హానీ, జాహిద్ ఉన్నారు.
ఇక ఆసియా కప్ లో ఆడే పాక్ జ‌ట్టుకు బాబ‌ర్ ఆజ‌మ్ కెప్టెన్. షాదాబ్ ఖాన్ వైస్ కెప్టెన్ గా ఉంటారు. ఆసిఫ్ అలీ, ఫ‌క‌ర్ , హైద‌ర్ అలీ, ర‌వూఫ్ ,
ఇఫ్తీక‌ర్ అహ్మ‌ద్ , ఖుష్దీల్ షా, న‌వాజ్ , రిజ్వాన్ , వసీం జూనియ‌ర్ , న‌సీమ్ షా, ద‌హానీ, ఖ‌దీర్ , షా అఫ్రిదీ ఉన్నారు.
Also Read : కామ‌న్వెల్త్ గేమ్స్ లో భార‌త్ కు మ‌రో స్వ‌ర్ణం