Parasuram : స‌ర్కార్ వారి పాట బంప‌ర్ హిట్

Parasuram : ప్రిన్స్ మ‌హేష్ బాబు, కీర్తి సురేష్ జంట‌గా ప‌రుశురామ్ ద‌ర్శ‌క‌త్వంలో తీసిన స‌ర్కార్ వారి పాట ఈనెల 12న విడుద‌లై బ్లాక్ బ‌స్ట‌ర్ హిట్ టాక్ తెచ్చుకుంది.

ఈ సంద‌ర్భంగా విడుద‌లైన ప్ర‌తి చోటా జ‌నాద‌ర‌ణ పొంద‌డంతో స‌క్సెస్ మీట్ నిర్వ‌హించారు సినీ ద‌ర్శ‌క‌, నిర్మాత‌లు. ఈ సంద‌ర్భంగా ద‌ర్శ‌కుడు ప‌రుశురామ్(Parasuram) మాట్లాడుతూ స‌మాజానికి అవ‌స‌ర‌మైన పాయింట్ ను బేస్ గా చేసుకుని స‌ర్కార్ వారి పాట తీశాన‌ని చెప్పారు.

ముందుగా అనుకున్న‌ట్టుగానే అభిమానులు ఆద‌రించార‌ని, మ‌హేష్ బాబు న‌ట‌న‌, డైలాగులు, డ్యాన్సుల‌తో పాటు మాస్ లుక్ అదిరింద‌న్నారు.

మూవీకి సంబంధించి అన్నింటిని స‌మ‌పాళ్ల‌ల్లో మేళ‌వించి తీయ‌డం తో ప్ర‌తి ఒక్క‌రిని ఆక‌ట్టుకుంద‌న్నారు ప‌రుశురామ్. ఈ క‌థ దేశ ప్ర‌జ‌లంద‌రికీ క‌నెక్ట్ అయ్యే క‌థ కాబ‌ట్టి పాజిటివ్ టాక్ తెచ్చుకుంద‌న్నారు ద‌ర్శ‌కుడు.

ప్ర‌త్యేకించి బ్యాంకింగ్ సెక్టార్, ఈఎంఐతో ఇబ్బంది ప‌డ‌ని వారంటూ దేశంలో ఎవ‌రూ ఉండ‌ర‌న్నారు. క‌థలో లీన‌మై న‌టించిన ఘ‌న‌త మ‌హేష్ బాబుకే ద‌క్కుతుంద‌న్నారు ప‌రుశురామ్(Parasuram).

సినిమాకు సంబంధించి ప్రీమియ‌ర్ షో నుంచే అన్ని వ‌ర్గాల ప్రేక్ష‌కుల నుంచి అద్భుత‌మైన రెస్పాన్స్ వ‌చ్చింద‌న్నారు ప్రిన్స్ ఫ్యాన్స్ తో పాటు మూవీ ల‌వ‌ర్స , ఫ్యామిలీ ఆడియ‌న్స్ కూడా సినిమాను చూసి ముచ్చ‌ట ప‌డుతున్నారంటూ తెలిపారు ద‌ర్శ‌కుడు.

మాస్, క్లాస్ వ‌ర్గాలు ఇప్పుడు సినిమాను చూసేందుకు పోటీ ప‌డుతున్నార‌ని చెప్పారు. కాగా ఈ మూవీకి రామ్ ల‌క్ష్మ‌ణ్ ఫైట్స్ , ఎస్ఎస్ థ‌మ‌న్ అందించిన సంగీతం ప్ల‌స్ పాయింట్ గా మిగిలింది.

Also Read : న‌య‌న్ మూవీకి ధోనీ నిర్మాత