Arnold Schwarzenegger : యుద్ధం వ‌ద్దు శాంతి ముద్దు
ప‌ట్టించుకోని ర‌ష్యా చీఫ్ పుతిన్
Arnold Schwarzenegger : ర‌ష్యా ఎవ‌రినీ ఖాత‌రు చేయ‌డం లేదు. ఉక్రెయిన్ పై దాడుల ప‌రంప‌ర కొన‌సాగిస్తోంది. ఇప్ప‌టికే వేలాది మంది ప్రాణాలు కోల్పోయారు. ఇప్ప‌టికే ఆ దేశం వ‌ల్ల‌కాడును త‌ల‌పింప చేస్తోంది.
ఐక్య రాజ్య స‌మితి, యూరోపియ‌న్ కంట్రీస్ , బ్రిట‌న్ , ఫ్రాన్స్ , అమెరికా ఆంక్ష‌లు విధించింది. ప్ర‌పంచ కోర్టు వెంట‌నే దాడులు నిలిపి వేయాల‌ని ర‌ష్యాను ఆదేశించింది. వీటిని ఏ మాత్రం బేఖాత‌ర్ చేయ‌లేదు.
ఇప్ప‌టికే అమెరికా మాజీ దేశాధ్య‌క్షులు బుష్, క్లింట‌న్ ఉక్రెయిన్ కు మ‌ద్ద‌తుగా నిలిచారు. దాడుల్ని నిలిపి వేయాల‌ని డిమాండ్ చేశారు. ఈ త‌రుణంలో హాలీవుడ్ కు చెందిన దిగ్గ‌జ న‌టుడు ఆర్న‌ల్డ్ ష్వార్డ్ నెగ్గ‌ర్ (Arnold Schwarzenegger )ట్విట్ట‌ర్ వేదిక‌గా స్పందించారు.
ఈ మేర‌కు ఆయ‌న వీడియో సందేశం వినిపించారు. దాదాపు 9 నిమిషాల‌కు పైగా వ్య‌వ‌ధి క‌లిగిన దీని ద్వారా ప్ర‌త్యేకించి పుతిన్ కు విన్న‌వించారు. తాను చెప్పింది ఆస‌క్తిగా వినాల‌ని కోరారు.
ఈ ప్ర‌పంచానికి తెలియ‌కుండా వాస్త‌వాల‌ను దాస్తున్నారని ఆవేద‌న వ్య‌క్తం చేశారు. ఈ దారుణ మార‌ణ కాండ‌ను వెంట‌నే నిలిపి వేయాల‌ని, మీ ర‌క్త దాహం కార‌ణంగా ల‌క్ష‌లాది మంది నిరాశ్ర‌యుల‌య్యారు.
ఇప్ప‌టికే తెలియ‌కుండా దాస్తున్నారని ఆరోపించారు. ఈ భ‌యాన‌క విష‌యాలు మీకు తెలియ‌కుండా పోవ‌న్న విష‌యాన్ని పుతిన్ గుర్తుంచు కోవాల‌ని సూచించారు.
త‌న చిన్న త‌నంలో ర‌ష్య‌న్ హెవీ వెయిట్ లిఫ్ట‌ర్ యూరీ వ్లాసోవ్ త‌న‌కు స్పూర్తిగా ఎలా నిలిచారో తెలిపారు. ర‌ష్య‌న్న బ‌లం, వారి స‌హృద‌యం త‌న‌కు స్ఫూర్తిగా నిలుస్తుంద‌ని సూచించారు.
Also Read : ఆశిష్ గాంధి ర్యాంబోగా ఉడుంబు రీమేక్‌