PM Modi Congratulate : మీ విజ‌యం దేశానికి గ‌ర్వ‌కార‌ణం
మ‌హిళా జ‌ట్టుకు మోదీ ప్ర‌శంస‌లు
PM Modi Congratulate : జ‌పాన్ వేదిక‌గా జ‌రిగిన మ‌హిళా జూనియ‌ర్ ఆసియా క‌ప్ ను భార‌త మ‌హిళా జ‌ట్టు గెలుపొంది ఛాంపియ‌న్ గా నిలిచింది. ఈ సంద‌ర్భంగా విజేత‌లుగా నిలిచిన టీం స‌భ్యుల‌ను ప్ర‌త్యేకంగా అభినంద‌న‌ల‌తో ముంచెత్తారు దేశ ప్ర‌ధాన‌మంత్రి న‌రేంద్ర దామోద‌ర దాస్ మోదీ(PM Modi). సోమ‌వారం ట్విట్ట‌ర్ వేదిక‌గా ప్ర‌త్యేకంగా ప్ర‌శంస‌లు కురిపించారు.
అకుంఠిత‌మైన దీక్ష, ప‌ట్టుద‌ల, సాధించాల‌న్న త‌ప‌న మీలో క‌నిపించింద‌ని తాను మిమ్మ‌ల్ని చూసి గ‌ర్విస్తున్నాన‌ని పేర్కొన్నారు ప్ర‌ధాని మోదీ. ఇవాళ మీరు సాధించిన ఈ విజ‌యం నేటి యువ‌త‌కు స్పూర్తి దాయ‌కంగా నిలుస్తుంద‌న‌డంలో సందేహం లేద‌న్నారు.
నాలుగు సార్లు జూనియ‌ర్ హాకీ క‌ప్ విజేత‌లుఉగా నిలిచిన బ‌ల‌మైన ద‌క్షిణ కొరియా జ‌ట్టును భార‌త అమ్మాయిలు ఎదుర్కోవ‌డం, 2-1 తేడాతో ఓడించి విశ్వ విజేత‌గా నిల‌వ‌డం మామూలు విష‌యం కాద‌న్నారు.
దీన్ని బ‌ట్టి చూస్తే రాబోయే రోజుల్లో జ‌రిగ‌గే ఒలింపిక్స్ క్రీడల్లో మ‌న మ‌హిళ‌లు మ‌రిన్ని ప‌త‌కాల‌తో వ‌స్తార‌న్న న‌మ్మ‌కం త‌న‌కు క‌లుగుతోంద‌ని స్ప‌ష్టం చేశారు ప్ర‌ధాన‌మంత్రి.
ప్ర‌తి ప్ర‌య‌త్నం ఒక అడుగుతోనే ప్రారంభం అవుతుంద‌ని, స‌మిష్టిగా క‌లిసి కృషి చేస్తే ఎంత‌టి క‌ష్ట‌మైనా సుల‌భంగా మారి పోతుంద‌న్నారు న‌రేంద్ర మోదీ. ఇవాళ దేశం యావ‌త్తు మిమ్మ‌ల్ని చూసి సంతోషానికి లోన‌వుతోంద‌ని తెలిపారు. రాబోయే రోజుల్లో మ‌రిన్ని విజ‌యాలు అందుకోవాల‌ని కోరారు ప్ర‌ధాన‌మంత్రి.
Also Read : RS Praveen Kumar : ప్రారంభోత్స‌వం స‌రే న‌డిగ‌డ్డ మాటేంటి