Heera Ben Modi Died : మోదీ మాతృమూర్తి హీరా బెన్ ఇక లేరు
లోకాన్ని వీడింద‌న్న ప్ర‌ధాన‌మంత్రి
Heera Ben Modi Died : ప్ర‌ధాన‌మంత్రి న‌రేంద్ర దామోద‌ర దాస్ మోదీకి కోలుకోలేని షాక్ త‌గిలింది. నిన్న‌టి దాకా ప్ర‌శాంతంగా ఉన్న త‌న త‌ల్లి హీరా బెన్ మోదీ శుక్ర‌వారం క‌న్ను మూశారు. ఇక సెల‌వంటూ లోకాన్ని వీడారు. ఆమె 100 ఏళ్ల వ‌య‌స్సులో తుది శ్వాస విడిచారు. హీరా బెన్ త‌న ప‌నులు తానే చేసుకునే వారు.
కానీ ఉన్న‌ట్టుండి మంగ‌ళ‌వారం అక‌స్మాత్తుగా శ్వాస తీసుకోవ‌డంలో ఇబ్బంది ప‌డ్డారు. ద‌గ్గు కూడా విప‌రీతంగా రావ‌డంతో వెంటనే అహ్మ‌దాబాద్ లోని యుఎన్ మెహ‌తా హాస్పిట‌ల్ లోని కార్డియాల‌జీ రీసెర్చ్ సెంట‌ర్ లో చేరారు. నిన్న‌టి రాత్రి వ‌ర‌కు ఆమె ఆరోగ్యంగానే ఉంద‌ని ఆస్ప‌త్రి వ‌ర్గాలు వెల్ల‌డించాయి.
కానీ ఇవాళ ఉన్న‌ట్టుండి తుది శ్వాస విడిచిన‌ట్లు పేర్కొన్నాయి. అధికారికంగా ప్ర‌క‌ట‌నలో తెలిపాయి. ఇదిలా ఉండ‌గా న‌రేంద్ర మోదీ త‌ల్లి చ‌ని పోయిన‌ట్లు స్వ‌యంగా ట్వీట్ ద్వారా పేర్కొన్నారు. ఈ ఏడాది 2022 జూన్ 18న హీరా బెన్ వందేళ్లు పూర్తి చేసుకున్నారు. త‌న త‌ల్లి(Heera Ben Modi Died)తో త‌న‌కు ఉన్న అనుబంధాన్ని గుర్తు చేస్తూ వ‌చ్చారు ఎప్ప‌టిక‌ప్పుడు ప్ర‌ధాన‌మంత్రి.
విలువ‌లు, సంస్కారాన్ని త‌న‌కు నేర్పింద‌ని, ఆమె రుణం తాను తీర్చుకోలేన‌ని పేర్కొన్నారు. ఈ స్థాయిలో తాను ఉండ‌డానికి త‌న త‌ల్లిదండ్రులే కార‌ణ‌మ‌ని స్ప‌ష్టం చేశారు న‌రేంద్ర దామోద‌ర దాస్ మోదీ.
ఇక ఆయ‌న ఎంత బిజీగా ఉన్న‌ప్ప‌టికీ త‌న త‌ల్లి గురించి క్షేమ స‌మాచారాలు తెలుసుకుంటూ వ‌చ్చారు. తాజాగా గుజ‌రాత్ రాష్ట్రంలో జ‌రిగిన శాస‌న‌స‌భ ఎన్నిక‌ల్లో హీరా బెన్ స్వ‌యంగా త‌న ఓటు వినియోగించుకున్నారు.
Also Read : ఊపిరి ఆగింది గుండె ప‌గిలింది