Ponniyin Selvan-2 : పొన్నియ‌న్ సెల్వ‌న్ -2 క‌లెక్ష‌న్లు అదుర్స్

Ponniyin Selvan-2 : మ‌ణిర‌త్నం ద‌ర్శ‌క‌త్వంలో వ‌చ్చిన పొన్నియ‌న్ సెల్వ‌న్ -2(Ponniyin Selvan-2) మూవీ క‌లెక్ష‌న్ల వేట సాగిస్తోంది. విడుద‌లైన రోజు నుంచి నేటి దాకా కాసులు కొల్ల‌గొడుతోంది. ఇప్ప‌టికే పొన్నియ‌న్ సెల్వ‌న్ -1 రిలీజై ఊహించ‌ని రీతిలో స‌క్సెస్ టాక్ తెచ్చుకుంది. బాక్సాఫీస్ బ‌ద్ద‌లు కొట్టింది. అద్భుత‌మైన దృశ్య కావ్యంగా తీర్చిదిద్దాడు ద‌ర్శ‌కుడు మ‌ణిర‌త్నం.

మ్యూజిక్ ప‌రంగా దిగ్గ‌జ సంగీత ద‌ర్శ‌కుడు అల్లా ర‌ఖా రెహ‌మాన్ సంగీతం అందించాడు. పాట‌లు , చిత్రీక‌ర‌ణ ఓ రేంజ్ లోకి తీసుకు వ‌చ్చేలా చేసింది. ఇక మ‌ణిర‌త్నం మార్క్ పొన్నియ‌న్ సెల్వ‌న్ -1 మీద ప‌డింది. ఎలాంటి ప్ర‌చార ఆర్భాటం లేకుండానే ప్ర‌పంచ వ్యాప్తంగా మోస్ట్ పాపుల‌ర్ మూవీగా వినుతికెక్కింది.

చిత్రం స‌క్సెస్ కావ‌డంతో పొన్నియ‌న్ సెల్వ‌న్ కు సీక్వెల్(Ponniyin Selvan-2) గా తీశాడు మ‌ణిర‌త్నం. ఇది కూడా వ‌సూళ్ల‌లో దూసుకు పోతోంది. ఇప్ప‌టికే రూ. 200 కోట్లు రాబ‌ట్టింది. దీంతో చిత్ర నిర్మాత‌లు ఖుషీగా ఉన్నారు. త‌మిళ‌నాడులో చోటు చేసుకున్న చ‌రిత్ర‌కు ద‌ర్ప‌ణ‌మే ఈ చిత్రం. తొలి పార్ట్ రూ. 500 కోట్లు కొల్ల‌గొట్టింది.

చిత్ర ప‌రంగా చూస్తే విజువ‌ల్స్ టాప్ రేంజ్ లో కొన‌సాగుతున్నాయి. పొన్నియ‌న్ సెల్వ‌న్ పేరు క‌ల్కి కృష్ణ‌మూర్తి న‌వ‌ల‌గా రాశారు. దానిని కొన్ని మార్పులు చేర్పుల‌తో మ‌ణిర‌త్నం తెర‌పై ఆవిష్క‌రించారు. ఈ చిత్రంలో చియాన్ విక్ర‌మ్, ఐశ్వ‌ర్య రాయ్ బ‌చ్చ‌న్ , త్రిష‌, కార్తీ, జ‌యం ర‌వి ప్ర‌ధాన పాత్ర‌లు పోషించారు. వీరితో పాటు ప్ర‌కాశ్ రాజ్ , జ‌య‌రామ్ , శ‌ర‌త్ కుమార్ , ప్ర‌భు, ఐశ్వ‌ర్య ల‌క్ష్మి, శోభిత ధూళిపాళ న‌టించారు.

Also Read : వైసీపీ కామెంట్స్ ర‌జ‌నీ ఫ్యాన్స్ ఫైర్