Rahul Sonia Gandhi : త‌ల్లి షూలేస్ స‌వ‌రించిన రాహుల్ గాంధీ
భార‌త్ జోడో యాత్రలో పాల్గొన్న సోనియా
Rahul Sonia Gandhi : ఎంత‌టి రాజు అయినా త‌ల్లికి కొడుకే. ఈ విష‌యంలో కాంగ్రెస్ పార్టీ మాజీ చీఫ్ , వాయ‌నాడు ఎంపీ రాహుల్ గాంధీని మెచ్చు కోవాల్సిందే. ఆయ‌న సుదీర్ఘ పాద‌యాత్ర‌కు శ్రీ‌కారం చుట్టారు. త‌మిళ‌నాడు లోని క‌న్యాకుమారి నుంచి ప్రారంభ‌మై కేర‌ళ‌లో ముగిసింది. ప్ర‌స్తుతం క‌ర్ణాట‌క‌లో కొన‌సాగుతోంది.
ఈ యాత్ర 3,570 కిలోమీట‌ర్ల మేర సాగ‌నుంది. మొత్తం 150 రోజుల పాటు కొన‌సాగుతుంది కాశ్మీర్ వ‌ర‌కు. ఇదిలా ఉండ‌గా ఏఐసీసీ తాత్కాలిక చీఫ్ సోనియా గాంధీ త‌న‌యుడు రాహుల్ గాంధీ(Rahul Sonia Gandhi) ఆధ్వ‌ర్యంలో సాగుతున్న భార‌త్ జోడో యాత్రలో పాల్గొనేందుకు క‌ర్ణాట‌క‌కు చేరుకున్నారు.
ఈ సంద‌ర్భంగా ఆమెకు అపూర్వ‌మైన రీతిలో స్వాగ‌తం ల‌భించింది. ఇదే స‌మ‌యంలో ఆస‌క్తిక‌ర‌మైన స‌న్నివేశం చోటు చేసుకుంది. అదేమిటంటే సోనియా గాంధీ పాద‌ర‌క్ష‌లు (షూస్ )కు లేస్ ను స‌రి చేశారు కుమారుడైన రాహుల్ గాంధీ. ప్ర‌స్తుతం ఇందుకు సంబంధించిన ఫోటోలు, వీడియో సామాజిక మాధ్య‌మాల‌ను హ‌ల్ చ‌ల్ చేస్తోంది.
త‌న వెంట ఉన్న కార్ల‌లో ఒక దానిలో ఎక్కే ముందు కొద్దిసేపు న‌డిచారు. బ‌ళ్లారిలో జ‌రిగే ర్యాలీలో సోనియా గాంధీ ప్ర‌సంగించే అవ‌కాశం ఉంది. క‌ర్ణాట‌క లోని మాండ్యాలో రాహుల్ గాంధీ చేప‌ట్టిన భార‌త్ జోడో యాత్రలో సోనియా గాంధీ పాల్గొన్నారు. కొద్ది దూరం పాటు న‌డిచారు.
ఇదే స‌మ‌యంలో త‌ల్లి షూలేస్ లు క‌డుతున్న ఫోటోల‌ను కాంగ్రెస్ పార్టీ షేర్ చేసింది. ఇందుకు సంబంధించి ఓ క్యాప్ష‌న్ కూడా జ‌త ప‌ర్చింది. ప్ర‌స్తుతం ఈ ఫోటో వైర‌ల్ అవుతోంది.
Also Read : భార‌త్ జోడో యాత్రలో సోనియా గాంధీ