RCB vs KKR IPL 2023 : కోల్‌కతా భ‌ళా బెంగ‌ళూరు బోల్తా

RCB vs KKR IPL 2023 : ఐపీఎల్ 16వ సీజ‌న్ లో రాయ‌ల్ ఛాలెంజ‌ర్స్ బెంగ‌ళూరు విజ‌యానికి బ్రేక్ ప‌డింది. నితీశ్ రాణా సార‌థ్యంలోని కోల్ క‌తా నైట్ రైడ‌ర్స్ దుమ్ము రేపింది. ఆర్సీబీకి చుక్క‌లు చూపించింది. 21 ప‌రుగుల తేడాతో గ్రాండ్ విక్ట‌రీని న‌మోదు చేసింది.

ముందుగా బ్యాటింగ్ చేసిన కోల్ క‌తా నిర్ణీత 20 ఓవ‌ర్ల‌లో 5 వికెట్లు కోల్పోయి 200 ప‌రుగులు చేసింది. జేస‌న్ రాయ్ మ‌రోసారి రెచ్చి పోయాడు.26 బంతులు ఎదుర్కొని 56 ర‌న్స్ చేశాడు. 4 ఫోర్లు 5 సిక్స‌ర్ల‌తో దంచి కొట్టాడు. కెప్టెన్ నితీశ్ రాణా సూప‌ర్ ఇన్నింగ్స్ తో ఆక‌ట్టుకున్నాడు.

అనంత‌రం 201 ప‌రుగుల ల‌క్ష్యంతో మైదానంలోకి దిగిన రాయ‌ల్ ఛాలెంజ‌ర్స్ బెంగ‌ళూరు(RCB vs KKR IPL 2023) ఆరంభంలో దూకుడుగా ప్రారంభించింది. స్టార్ బ్యాట‌ర్ ర‌న్ మెషీన్, విరాట్ కోహ్లీ ఆకాశ‌మే హ‌ద్దుగా చెల‌రేగాడు. త‌క్కువ బంతుల్లో హాఫ్ సెంచ‌రీ సాధించాడు. ఆ త‌ర్వాత స్పిన్ మాయాజాలానికి బెంగ‌ళూరు బ్యాట‌ర్లు పెవిలియ‌న్ కు క్యూ క‌ట్టారు. త‌మ స్వంత చిన్న‌స్వామి స్టేడియంలో ఆర్సీబీకి కోలుకోలేని షాక్ ఇచ్చింది కేకేఆర్.

బెంగ‌ళూరు ప‌త‌నాన్ని శాసించారు కోల్ క‌తా నైట్ రైడ‌ర్స్ బౌల‌ర్లు. వ‌రుణ్ చ‌క్ర‌వ‌ర్తి 4 ఓవ‌ర్ల‌లో 24 ప‌రుగులు ఇచ్చి 3 వికెట్లు తీశాడు. రూకీ సుయాష్ శ‌ర్మ 30 ప‌రుగులు ఇచ్చి 2 వికెట్లు పొడ‌గొట్టాడు. ఆండ్రీ ర‌స్సెల్ 29 ప‌రుగులు ఇచ్చి 2 వికెట్లు కూల్చాడు. దీంతో 179 ర‌న్స్ కే ప‌రిమిత‌మైంది ఆర్సీబీ.

Also Read : భ‌యం అప‌జ‌యం ధైర్యం బ‌లం