RR vs PBKS IPL 2023 : ఉత్కంఠ పోరులో పంజాబ్ విక్ట‌రీ

RR vs PBKS IPL 2023 : 16వ ఐపీఎల్ సీజ‌న్ లో ఇప్ప‌టి వ‌ర‌కు జ‌రిగిన మ్యాచ్ లు ఒక ఎత్తు. అస్సాంలోని గౌహ‌తిలో జ‌రిగిన లీగ్ మ్యాచ్ మ‌రో ఎత్తు. పంజాబ్ కింగ్స్ , రాజ‌స్థాన్ రాయ‌ల్స్(RR vs PBKS IPL 2023) జ‌ట్ల మ‌ధ్య జ‌రిగిన మ్యాచ్ చివ‌రి బంతి వ‌ర‌కు ఉత్కంఠ‌ను రేపింది. టి20 ఆట‌లో ఉన్న మ‌జా ఏమిటో క్రికెట్ ఫ్యాన్స్ కు రుచి చూపింది. శిఖ‌ర్ ధావ‌న్ , సంజూ శాంస‌న్ లు నువ్వా నేనా అన్న రీతిలో త‌మ‌దైన శైలిలో రాణించారు.

అటు బౌలింగ్ లోనూ ఇటు బ్యాటింగ్ లోనూ పంజాబ్ కింగ్స్ అద్భుత‌మైన ఆట తీరును ప్ర‌ద‌ర్శించింది. కానీ చివ‌రి దాకా ఎక్క‌డా త‌గ్గ‌కుండా రాజ‌స్థాన్ ఆడిన తీరు ప్ర‌తి ఒక్క‌రిని ఆక‌ట్టుకునేలా చేసింది. టోర్నీలో ఇరు జ‌ట్ల మ‌ధ్య జ‌రిగిన మ్యాచ్ ఎనిమిదోది. 5 ప‌రుగుల తేడాతో విజ‌యం సాధించింది పంజాబ్.

టాస్ గెలిచిన రాజ‌స్థాన్ రాయ‌ల్స్ స్కిప్ప‌ర్ శాంస‌న్ ముందుగా ఫీల్డింగ్ ఎంచుకున్నాడు. శిఖ‌ర్ ధావ‌న్ , ప్ర‌భ్ సిమ్రాన్ సింగ్ లు శుభారంభం ఇచ్చారు. ప‌వ‌ర్ ప్లేను స‌ద్వినియోగం చేసుకున్నారు. నిర్ణీత 20 ఓవ‌ర్ల‌లో పంజాబ్ 198 ప‌రుగుల భారీ స్కోర్ చేసింది. అనంతరం బ‌రిలోకి దిగిన రాజ‌స్థాన్ 193 ప‌రుగుల‌కే ప‌రిమిత‌మైంది.

సంజూ శాంస‌న్ 42 ర‌న్స్ చేస్తే షిమ్రోన్ హిట్మెయ‌ర్ 36 , ధ్రువ్ జురెల్ 32 చివ‌రి దాకా పోరాడినా ఫ‌లితం లేక పోయింది. పంజాబ్ బౌల‌ర్ నాథ‌న్ ఎల్లిస్ 4 వికెట్లు తీసి పంజాబ్ గెలుపులో కీల‌క పాత్ర పోషించాడు. అంత‌కు ముందు పంజాబ్ కింగ్స్ కెప్టెన్ శిఖ‌ర్ ధావ‌న్ 86 ర‌న్స్ చేశాడు. ప్ర‌భ్ సిమ్ర‌న్ సింగ్ 60 ప‌రుగుల‌తో ఆక‌ట్టుకున్నాడు.

Also Read : ఓడినా మ‌న‌సులు గెలిచారు