RS Praveen Kumar : స్పోర్ట్స్ స్కూల్ లో ప‌శువుల డాక్ట‌రా

RS Praveen Kumar : రాష్ట్రంలోని స్పోర్ట్స్ స్కూల్ లో చోటు చేసుకున్న ఘ‌ట‌న ఇప్పుడు చ‌ర్చ‌నీయాంశంగా మారింది. దీనిపై ఎమ్మెల్సీ క‌ల్వ‌కుంట్ల క‌విత ట్వీట్ చేయ‌డం ఆ వెంట‌నే మంత్రి విర‌స‌నోళ్ల శ్రీనివాస్ గౌడ్ స్పందించ‌డం జ‌రిగింది. దీనికి సంబంధించి ఇక్క‌డ కూడా ఓ డ‌బ్లుఎఫ్ఐ చీఫ్ బ్రిజ్ భూష‌ణ్ శ‌ర‌ణ్ సింగ్ ఉన్నాడంటూ వార్త బ‌య‌ట‌కు రావ‌డంతో అంతా ఉలిక్కి ప‌డ్డారు. దీనిపై స‌మ‌గ్ర విచార‌ణ చేప‌ట్టాల‌ని డిమాండ్ చేశారు బ‌హుజ‌న స‌మాజ్ పార్టీ చీఫ్ డాక్ట‌ర్ ఆర్ఎస్ ప్ర‌వీణ్ కుమార్(RS praveen Kumar).

RS Praveen Kumar Comments

ఆదివారం ట్విట్ట‌ర్ వేదిక‌గా ఆయ‌న స్పందించారు. ఒక వెట‌ర్న‌రీ డాక్ట‌ర్ కు హ‌కీంపేట స్పోర్ట్స్ స్కూల్ లో ఏం ప‌ని అని ప్ర‌శ్నించారు. ఈ దుండ‌గుడు ఎవ‌రో డాక్ట‌ర్ హ‌రి క్రిష్ణ అని బ‌య‌ట ప్ర‌చారం జ‌రుగుతోంద‌ని తెలిపారు ఆర్ఎస్పీ. ఈయ‌న‌ను ప‌శు సంవ‌ర్ద‌క శాఖ నుండి క్రీడా శాఖ‌కు బ‌దిలీ చేసిన వారు ఎవ‌రో తెలియాల్సిన అవ‌స‌రం ఉంద‌ని స్ప‌ష్టం చేశారు. ఎందుకు బ‌దిలీ చేశారు. ఆయ‌న తెలంగాణ గెజిటెడ్ అధికారుల సంఘం నాయ‌కుడ‌ని మంత్రి శ్రీనివాస్ గౌడ్ ఇత‌నికి 2025 వ‌ర‌కు డిప్యూటేష‌న్ ఇచ్చాడా అని మండిప‌డ్డారు ఆర్ఎస్పీ.

డాక్ట‌ర్ హ‌రికృష్ణ – మంత్రి శ్రీ‌నివాస్ గౌడ్ వ్య‌వ‌హారాల మీద లోతైన విచార‌ణ జ‌రిపించాల‌ని , ఆ కీచ‌కుడిని వెంట‌నే అరెస్ట్ చేయాల‌ని డిమాండ్ చేశారు బీఎస్పీ చీఫ్‌.

Also Read : Dasoju Sravan Kumar : ప్ర‌జా కోర్టు అట్ట‌ర్ ప్లాప్ షో – దాసోజు