Sanju Samson : రాహుల్ ద్ర‌విడ్ లివింగ్ లెజెండ్ – శాంస‌న్

Sanju Samson : రాజ‌స్థాన్ రాయ‌ల్స్ జ‌ట్టు కెప్టెన్, స్టార్ హిట్టర్ సంజూ శాంస‌న్ (Sanju Samson )సంచ‌ల‌న కామెంట్స్ చేశారు. తాను చూసిన దిగ్గ‌జ క్రికెట‌ర్ల‌లో భార‌త క్రికెట్ జ‌ట్టు హెడ్ కోచ్ రాహుల్ ద్ర‌విడ్ ప్ర‌త్యేక‌మ‌ని పేర్కొన్నాడు.

ఆయ‌న నుంచి నేర్చుకోవాల్సింది ఎంతో ఉంద‌న్నారు. మేనేజ్ మెంట్ తో ఎలా ఉంటారో, ఓన‌ర్ తో అలాగే ఉంటారు. అంతే కాదు సామాన్యుల‌తో కూడా ఆయ‌న ప్ర‌వ‌ర్త‌న అలాగే ఉంటుంద‌ని కితాబు ఇచ్చాడు సంజూ శాంస‌న్.

రాజ‌స్థాన్ రాయ‌ల్స్ సెటప్ లో భాగంగా రాహుల్ ద్ర‌విడ్ నుంచి తాను ఎన్నో పాఠాలు నేర్చుకున్నాన‌ని ఆయ‌న ఓ లివింగ్ లెజెండ్ అని ప్ర‌శంసించారు. విన‌యానికి, నిబ‌ద్ద‌త‌కు ద్ర‌విడ్ ఓ నిద‌ర్శ‌న‌మ‌ని కొనియాడారు సంజూ శాంస‌న్.

ఆట‌గాళ్ల‌లో ఎలాంటి టెన్ష‌న్ లేకుండా ఉండేందుకు ప్ర‌య‌త్నం చేస్తాడు. పూర్తిగా సానుకూల దృక్ఫ‌థంతో ఉంటార‌ని ఇది ఆయ‌న‌తో ప‌ని చేసిన వాళ్ల‌కు తెలుస్తుంద‌న్నాడు శాంస‌న్.

మైదానంలో ఎలా ఉంటారో వెలుపుల‌, డ్రెస్సింగ్ రూమ్ లో కూడా రాహుల్ ద్ర‌విడ్ ప్ర‌శాంతంగా, చాలా కూల్ గా ఉంటార‌ని ఆయ‌నపై చెర‌గ‌ని చిరునవ్వు మ‌రింత ఆనందాన్ని ఇస్తుంద‌న్నాడు సంజూ.

నా క్రికెట్ కెరీర్ లో ఎక్కువ‌గా రాహుల్ స‌ర్ నుంచి నేర్చుకున్న‌ది ఒక్క‌టే ఎంత ఎత్తుకు ఎదిగినా ఒదిగి ఉండాల‌ని అని పేర్కొన్నాడు. రాహుల్ ద్ర‌విడ్ రాజ‌స్థాన్ రాయ‌ల్స్ తో ఉన్న స‌మ‌యంలో మేమంద‌రం ఎప్పుడూ గ‌మ‌నించే వాళ్లం.

మా జ‌ట్టు ఓన‌ర్ మ‌నోజ్ బ‌దాలే అత్యంత ముఖ్య‌మైన వ్య‌క్తి. ఓన‌ర్ తో ఎలా మాట్లాడ‌తాడో గ్రౌండ్ మెన్ తో కూడా అలాగే మాట్లాడ‌టం చూశాన‌ని చెప్పాడు. ఇదే నేను ఎక్కువ‌గా నేర్చుకున్న విష‌య‌మ‌ని తెలిపాడు.

Also Read : చెన్నైకి షాకిచ్చిన హ‌ర్ష‌ల్ ప‌టేల్