VV Lakshmi Narayana : లోక్ స‌భ ఎన్నిక‌ల్లో పోటీ చేస్తా – జేడీ
ప్ర‌క‌టించిన మాజీ జేడీ వీవీ ల‌క్ష్మీనారాయ‌ణ
VV Lakshmi Narayana : కేంద్ర ద‌ర్యాప్తు సంస్థ సీబీఐ మాజీ జాయింట్ డైరెక్ట‌ర్ వీవీ ల‌క్ష్మీనారాయ‌ణ(VV Lakshmi Narayana) సంచ‌ల‌న ప్ర‌క‌ట‌న చేశారు. శ‌నివారం ఆయ‌న మీడియాతో మాట్లాడారు. తాను త్వ‌ర‌లో 2024లో జ‌రగ‌బోయే లోక్ స‌భ ఎన్నిక‌ల్లో పోటీ చేస్తాన‌ని ప్ర‌క‌టించారు. విశాఖ‌ప‌ట్ట‌ణం ప్ర‌జ‌లు త‌న‌ను ఎంత‌గానో ఆద‌రిస్తున్నార‌ని, వారి ప్రేమ, ఆప్యాయ‌త త‌న‌ను ముగ్దుడిని చేసింద‌ని చెప్పారు.
త్వ‌ర‌లో త‌ను మేనిఫెస్టోను విడుద‌ల చేస్తాన‌ని వెల్ల‌డించారు. తాను వేరే చోట నుంచి కాకుండా విశాఖ ప‌ట్ట‌ణం నుంచే బ‌రిలోకి దిగుతాన‌ని స్ప‌ష్టం చేశారు జేడీ ల‌క్ష్మీనారాయ‌ణ. గ‌తంలో కూడా వాళ్లు న‌న్ను ఆద‌రించార‌ని ఈసారి కూడా ఇక్క‌డి నుంచే పోటీ చేయాల‌ని నిర్ణయం తీసుకున్న‌ట్లు తెలిపారు.
అయితే ఏ పార్టీ నుండి తాను పోటీ చేయ‌డం లేద‌న్నారు. కేవ‌లం స్వ‌తంత్ర అభ్య‌ర్థిగా తాను పోటీ చేయ‌నున్న‌ట్లు పేర్కొన్నారు జేడీ ల‌క్ష్మీనారాయ‌ణ(VV Lakshmi Narayana). త్వ‌ర‌లో తాను స్వంతంగా రూపొందించిన మేనిఫెస్టోను విడుద‌ల చేస్తాన‌ని చెప్పారు. ఇందులో రాష్ట్రానికి ఏం కావాలి, తాను గెలిస్తే ఏం చేస్తాన‌నే దానిపై కీల‌క‌మైన సూచ‌న‌లు ఉంటాయ‌ని వెల్ల‌డించారు సీబీఐ మాజీ జాయింట్ డైరెక్ట‌ర్.
అయితే రాష్ట్రానికి ఏం కావాల‌నే దానిపై వివిధ పార్టీల‌తో చ‌ర్చించేందుకు తాను సిద్దంగా ఉన్న‌ట్లు ప్ర‌క‌టించారు. పార్టీలు స్వ‌లాభం కోసం కాకుండా రాష్ట్రం కోసం ఆలోచించాల‌ని సూచించారు వీవీ ల‌క్ష్మీనారాయ‌ణ. ఇదిలా ఉండ‌గా 2019లో జ‌న‌సేన పార్టీ నుంచి ఆయ‌న లోక్ స‌భ స్థానానికి పోటీ చేశారు.
ఇదిలా ఉండ‌గా లోక్ స‌త్తా పార్టీ ఫౌండ‌ర్ జ‌యప్ర‌కాశ్ నారాయ‌ణ, హైకోర్టు మాజీ న్యాయ‌మూర్తి , తెలంగాణ ప్ర‌జా పార్టీ నాయ‌కుడు బి. చంద్ర‌కుమార్ ల‌క్ష్మీనారాయ‌ణ‌కు మ‌ద్ద‌తు ప్ర‌క‌టించారు.
Also Read : మాండూస్ ప్ర‌భావం ఏపీ అప్ర‌మ‌త్తం