Shimron Hetmyer : రాజ‌స్థాన్ జ‌ట్టులో చేరిన స్టార్ హిట్ట‌ర్
బ‌యో బబుల్ లో షిమ్రాన్ హెట్ మైర్
Shimron Hetmyer : ప్ర‌త్య‌ర్థుల గుండెల్లో రైళ్లు ప‌రుగెత్తించే ఏకైక స్టార్ హిట్ట‌ర్ గా పేరొందిన షిమ్రాన్ హెట్ మైర్ తిరిగి వ‌చ్చేశాడు. దీంతో నిన్న‌టి దాకా ఎంతో ఉత్కంఠ‌తో ఎదురు చూసిన రాజ‌స్థాన్ రాయ‌ల్స్ అభిమానులు తెగ సంబ‌రప‌డి పోతున్నారు.
ఎందుకంటే ఎలాంటి బంతినైనా స‌రే బౌండ‌రీ లైన్ దాటించే ద‌మ్మున్న ఆట‌గాడిగా పేరొందాడు ఈ క్రికెట‌ర్. ఇటీవ‌ల త‌న‌కు బిడ్డ పుట్ట‌డంతో మేనేజ్ మెంట్ ప‌ర్మిష‌న్ తీసుకుని స్వ‌దేశానికి వెళ్లాడు.
అక్క‌డ కొంత సేపు సేద దీరాక మ‌ళ్లీ స‌త్తా చాటేందుకు ఎంట్రీ ఇచ్చాడు. వ‌స్తూనే బ‌యో బబుల్ లో చేరి పోయాడు. ఇక రాజ‌స్థాన్ రాయ‌ల్స్ కు షిమ్రోన్ హిట్ మైర్(Shimron Hetmyer) కీల‌క‌మైన ఆట‌గాడిగా మారి పోయాడు.
విధ్వంస‌క‌ర‌మైన ఇన్నింగ్స్ లు ఆడ‌డంలో అత‌డికి అత‌డే సాటి. ఒక ర‌కంగా చెప్పాలంటే డెత్ ఓవ‌ర్ల‌లో చుక్క‌లు చూపించే స‌త్తా క‌లిగిన క్రికెట‌ర్. ఇప్ప‌టికే రాజ‌స్థాన్ రాయ‌ల్స్ ఫుల్ జోష్ మీదుంది.
టాప్ లో ఉన్న ల‌క్నో సూప‌ర్ జెయింట్స్ కు చుక్క‌లు చూపించింది. కీల‌క లీగ్ మ్యాచ్ లో 24 ప‌రుగుల తేడాతో ఘ‌న విజ‌యాన్ని న‌మోదు చేసింది. పాయింట్ల ప‌ట్టిక‌లో గుజ‌రాత్ టైటాన్స్ త‌ర్వాత మెరుగైన ర‌న్ రేట తో రెండో స్థానంలో ఉంది.
ఇక ఇప్ప‌టికీ ఏ జ‌ట్లు ప్లే ఆఫ్స్ కు చేరుకుంటాయ‌నేది టెన్ష‌న్ నెల‌కొంది. ఇంకా ఓ కీల‌క మ్యాచ్ ఆడాల్సి ఉంది రాజ‌స్థాన్ రాయ‌ల్స్ . వ‌రుస ప‌రాజ‌యాల‌తో ఇంటి ముఖం ప‌ట్టిన చెన్నై సూప‌ర్ కింగ్స్ తో ఆఖ‌రి మ్యాచ్ ఆడాల్సి ఉంది.
ఇప్ప‌టికే 16 పాయింట్స్ తో రెండో ప్లేస్ లో ఉంది. ఇక ఆనాటి మ్యాచ్ కు షిమ్రోన్ హెట్ మైర్(Shimron Hetmyer) రావ‌డంతో ఇక విధ్వంసానికి తెర లేపిన‌ట్లే అనుకోవాల్సి ఉంటుంది.
Also Read : ఏంజెలో మాథ్యూస్ డుబుల్ సెంచ‌రీ మిస్