Smriti Irani Rides : జాతీయ ప‌తాకమా వ‌ర్ధిల్ల‌వ‌మ్మా

Smriti Irani Rides : కేంద్ర మంత్రి స్మృతీ ఇరానీ గురించి ప్ర‌త్యేకంగా చెప్పాల్సిన ప‌ని లేదు. ఆమె క‌రుడు గ‌ట్టిన సంప్ర‌దాయ‌వాది. అచ్చ‌మైన భార‌తీయ‌త అంటే ఇరానీకి వ‌ల్ల‌మాలిన అభిమానం.

కేంద్ర మంత్రి ఏది మాట్లాడినా దేశం గురించి, సంస్కృతి, సంప్ర‌దాయాల గురించి చ‌ర్చిస్తారు. సంప్ర‌దాయ కుటుంబం నుంచి వ‌చ్చిన ఆమెకు విలువ‌ల‌ను కాపాడు కోవ‌డం, ధ‌ర్మ బ‌ద్దంగా జీవించ‌డం అంటే చ‌చ్చేంత ఇష్టం.

అంత‌కంటే స్మృతీ ఇరానీకి(Smriti Irani Rides) దేశానికి చెందిన, ఆత్మ గౌర‌వానికి ప్ర‌తీకగా నిలిచిన జాతీయ ప‌తాకం అంటే అభిమానం..అంత‌కంటే ఎక్కువ‌గా గౌర‌వం కూడా. తాజాగా కేంద్ర మంత్రి వైర‌ల్ గా మారారు.

ఎందుకంటే ఆమెనే స్వంతంగా స్కూట‌ర్ న‌డుపుకుంటూ వెళ్ల‌డం సెన్సేష‌న్ గా మారింది. ఆమె ముందు స్కూట‌ర్ న‌డుపుతుంటే ఆమె వెనుక కూర్చున్న వ్య‌క్తి ఎవ‌రో కాదు కేంద్ర కేబినెట్ లో ఉన్న మ‌రో మంత్రి భార‌తీ ప‌వార్ త్రివ‌ర్ణ ప‌తాకాన్ని ప‌ట్టుకోవ‌డం సంచ‌ల‌నం క‌లిగించింది.

ఇదిలా ఉండ‌గా బుధ‌వారం స్మృతీ ఇరానీ స్కూట‌ర్ న‌డుపుతున్న ఈ ఫోటో, వీడియో సోష‌ల్ మీడియాను షేక్ చేస్తోంది. ఇక కేంద్ర మంత్రి త‌న స్వంతంగా నిర్వ‌హించే ఇన్ స్టా గ్రామ్ లో షేర్ చేసిన ఇందుకు సంబంధించిన ఫోటోలు, వీడియోలు వైర‌ల్ గా మారాయి.

వేల కొద్ది లైకుల‌తో నిండిపోతున్నాయి. మేరా భార‌త్ మ‌హాన్ అంటూ భార‌తీయులు , అభిమానులు పెద్ద ఎత్తున స్పందిస్తున్నారు. ఇలాంటి నేత‌లే దేశానికి కావాల్సింది అంటూ పేర్కొంటున్నారు.

ప్ర‌తి ఒక్క‌రు జాతీయ ప‌తాకం ఎగుర వేయాల‌ని కోరుతున్నారు.

Also Read : సోనియా ఇంటి ముందు పోలీసుల మోహ‌రింపు