SSMB28 Poster : ఎస్ఎస్ఎంబీ 28 పోస్ట‌ర్ అదుర్స్
త్రివిక్ర‌మ్ ద‌ర్శ‌క‌త్వం త‌మ‌న్ మ్యూజిక్
SSMB28 Poster : తెలుగు వెండి తెర‌పై ఎవ‌ర్ గ్రీన్ హీరోగా పేరు పొందారు ప్రిన్స్ మహేష్ బాబు. అత‌డికి ఫ్యాన్ ఫాలోయింగ్ ఎక్కువ. దిగ్గ‌జ ద‌ర్శ‌కుడిగా, మాట‌ల మాంత్రికుడిగా పేరు పొందిన త్రివిక్ర‌మ్ శ్రీ‌నివాస్ దర్శకత్వంలో ప్ర‌స్తుతం మహేష్ బాబు న‌టిస్తున్నారు. ఆయ‌న‌తో పాటు ముద్దుగుమ్మ‌లు పూజా హెగ్డే, శ్రీ‌లీల కీల‌క పాత్ర‌ల్లో క‌నిపించ‌నున్నారు. ఇక మ్యూజిక్ లో మ్యాజిక్ చేస్తున్న సంగీత ద‌ర్శ‌కుడు ఎస్ఎస్ థ‌మ‌న్ సంగీతం అందిస్తున్నారు.
అల వైకుంఠ‌పురం లో త‌ర్వాత వ‌స్తున్న సినిమా కావ‌డంతో భారీ అంచ‌నాలు ఉన్నాయి. ఇక ప‌రుశురామ్ దర్శకత్వంలో వ‌చ్చిన స‌ర్కార్ వారి పాట దుమ్ము రేపింది. క‌లెక్ష‌న్ల సునామీ సృష్టించింది. ఆ త‌ర్వాత మహేష్ బాబుకు ఇది కీల‌క మూవీ. దీనిపై భారీ అంచ‌నాలు ఉన్నాయి ప్రిన్స్ ఫ్యాన్స్ కు. ఇప్ప‌టికే సినిమాకు సంబంధించి విడుద‌ల చేసిన పోస్ట‌ర్లు ఆక‌ట్టుకుంటున్నాయి.
మే 31న బుధ‌వారం దివంగ‌త న‌టుడు కృష్ణ జ‌యంతి సంద‌ర్భాన్ని పుర‌స్క‌రించుకుని ఎస్ఎస్ఎంబీ 28 కు సంబంధించి కొత్త పోస్ట‌ర్(SSMB28 Poster) ను విడుద‌ల చేశారు. దీనికి భారీ రెస్పాన్స్ వ‌స్తోంది. దీని త‌ర్వాత మహేష్ బాబు ప్ర‌ముఖ ద‌ర్శ‌కుడు ఎస్ఎస్ రాజ‌మౌళి తీయ‌బోయే సినిమాలో న‌టించ‌నున్నారు.
Also Read : CM KCR