Sunil Gavaskar : రాహుల్ నిర్వాకం భార‌త్ అప‌జ‌యం

Sunil Gavaskar : గ‌తంలో ఎన్న‌డూ లేని రీతిలో భార‌త క్రికెట్ మాజీ స్కిప్ప‌ర్, ప్ర‌ముఖ కామెంటేట‌ర్ సునీల్ మ‌నోహ‌ర్ గ‌వాస్క‌ర్ ((Sunil Gavaskar))సంచ‌ల‌న కామెంట్స్ చేశాడు. ఇవాళ ఆయ‌న ఓ జాతీయ మీడియా చాన‌ల్ తో కీల‌క వ్యాఖ్య‌లు చేశారు.

స‌న్నీ ప్ర‌ధానంగా భార‌త జ‌ట్టు తాత్కాలిక కెప్టెన్ కేఎల్ రాహుల్ పై మండిప‌డ్డారు. ఒక ర‌కంగా సీరియ‌స్ అయ్యారు. రాహుల్ నిర్వాకం కార‌ణంగానే భార‌త జ‌ట్టు సౌతాఫ్రికాతో జ‌రిగిన రెండో టెస్టులో ఓడి పోయిందంటూ సంచ‌ల‌న ఆరోప‌ణ‌లు చేశారు.

ఇప్ప‌టికే అత‌డిపై న‌మ్మ‌కం ఉంచి సార‌థ్య బాధ్య‌త‌లు అప్ప‌గించింది బీసీసీఐ. ఇప్ప‌టికే సెలెక్ష‌న్ క‌మిటీ తీరుపై తీవ్ర ఆరోప‌ణ‌లు వ‌స్తున్న త‌రుణంలో ఉన్న‌ట్టుండి కేఎల్ రాహుల్ కు తాత్కాలిక బాధ్య‌త‌లు అప్ప‌గించిన తీరు బాగో లేద‌న్నాడు.

ఇదిలా ఉండ‌గా భార‌త మాజీ కోచ్ వసీం జాఫ‌ర్ అయితే ఏకంగా రాహుల్ కంటే ర‌హానే బెట‌ర్ అన్నాడు. రాహుల్ తీసుకున్న చెత్త నిర్ణ‌యాల వ‌ల్ల‌నే ఈ ఓట‌మి ద‌క్కింద‌ని ఫైర్ అయ్యాడు.

ఇక నుంచి అత‌డికి బ‌దులు వేరే వారిని పెట్టి ఉండి ఉంటే బాగుండేద‌న్న అభిప్రాయం వ్య‌క్తం చేశాడు. రెండో ఇన్నింగ్స్ ముగిశాక ప్ర‌త్య‌ర్థి జ‌ట్టును క‌ట్ట‌డి చేయ‌డంలో ప్లాన్ వ‌ర్క‌వుట్ కాలేద‌న్నాడు.

అత్యంత పేల‌వ‌మైన కెప్టెన్సీ అంటూ మండిప‌డ్డాడు స‌న్నీ. కేఎల్ రాహుల్ అనుభ‌వ రాహిత్య‌మే కొంప ముంచింద‌న్నాడు.

ఇక‌నైనా అత‌డు తాను చేసిన త‌ప్పిదాలు ఏమిటో గుర్తించాల‌న్నాడు సునీల్ మ‌నోహ‌ర్ గ‌వాస్క‌ర్(Sunil Gavaskar). ప్ర‌స్తుతం ఆయ‌న చేసిన కామెంట్స్ క‌ల‌క‌లం రేపాయి.

Also Read : హ‌నుమ‌ విహారీకి చాన్స్ ద‌క్కేనా