Shahid Afridi : సూర్య భాయ్ బ్యాటింగ్ సూపర్ – అఫ్రిది

Shahid Afridi : యూఏఈ వేదిక‌గా జ‌రుగుతున్న ఆసియా క‌ప్ – 2022 లో(Asia Cup 2022) హాంకాంగ్ పై భార‌త జ‌ట్టు అద్భుత విజ‌యం సాధించింది. ఈ మ్యాచ్ లో స్టార్ క్రికెట‌ర్ సూర్య కుమార్ యాద‌వ్(Surya Kumar Yadav) సూప‌ర్ ఇన్నింగ్స్ ఆడాడు.

ఆకాశ‌మే హ‌ద్దుగా చెల‌రేగాడు. కేవ‌లం 26 బంతులు మాత్ర‌మే ఎదుర్కొన్న సూర్య 68 ప‌రుగులు చేశాడు. ఇందులో 6 ఫోర్లు 6 సిక్స‌ర్లు ఉన్నాయి.

ఈ సంద‌ర్భంగా సెన్సేష‌న్ ఇన్నింగ్స్ ఆడిన సూర్య కుమార్ యాద‌వ్ ను ఆకాశానికి ఎత్తేశాడు. తాను చూసిన భార‌తీయ క్రికెట‌ర్ల‌లో సూర్య షాన్ దార్ ఇన్నింగ్స్ ఆడాడు.

తాను విరాట్ కోహ్లీ బ్యాటింగ్ చూద్దామ‌ని టీవీ ఆన్ చేస్తే సూర్య కుమార్ యాద‌వ్ ఆకాశ‌మే హ‌ద్దుగా చెల‌రేగాడ‌ని, కోహ్లీని మ‌రిపించాడ‌ని కితాబు ఇచ్చాడు షాహిద్ అఫ్రిది(Shahid Afridi).

అత‌డి ఎంట్రీతో పూర్తిగా మ్యాచ్ స్వ‌రూప‌మే మారి పోయింద‌న్నాడు. కేఎల్ రాహుల్, రోహిత్ శ‌ర్మ , విరాట్ కోహ్లీ(Virat Kohli) కంటే అద్భుతంగా రాణించాడ‌ని పేర్కొన్నాడు పాకిస్తాన్ మాజీ క్రికెట‌ర్.

అత‌డి ఆట తీరుకు తాను ఫిదా అయ్యాన‌ని చెప్పాడు. సూర్య కుమార్ యాద‌వ్ అద్భుత ఆట‌కు ధ‌న్య‌వాదాలు. ఒక ర‌కంగా మూడు ఓవ‌ర్ల‌లో 50కి పైగా ర‌న్స్ చేశార‌ని భారీ స్కోర్ కు దారి తీసింద‌ని పేర్కొన్నాడు.

సూర్య కుమార్ యాద‌వ్ చేసిన స్ట్రోక్ ప్లే అత్యంత ఉత్కంఠ భ‌రితంగా ఆడాడ‌ని కితాబు ఇచ్చాడు. ఇదిలా ఉండ‌గా ప‌నిలో ప‌నిగా ష‌హీద్ అఫ్రిదీ షాకింగ్ కామెంట్స్ చేశాడు. సూర్య కుమార్ యాద‌వ్ ప‌ట్ల పాకిస్తాన్ జాగ్ర‌త్త‌గా ఉండాల‌ని సూచించాడు.

Also Read : రోహిత్ శ‌ర్మ‌పై హ‌ఫీజ్ షాకింగ్ కామెంట్స్