Team India Squad : కీవీస్ సీరీస్ కు కెప్టెన్లుగా ధావ‌న్..పాండ్యా
వైస్ కెప్టెన్ గా రిష‌బ్ పంత్ కు ప్ర‌మోష‌న్
Team India Squad : భార‌త క్రికెట్ కంట్రోల్ బోర్డు (బీసీసీఐ) సంచ‌ల‌న ప్ర‌క‌ట‌న చేసింది. ఈ మేర‌కు న్యూజిలాండ్ లో ప‌ర్య‌టించే భార‌త క్రికెట్ జ‌ట్టు వ‌న్డే, టి20 జ‌ట్ల‌ను ప్ర‌క‌టించింది సెలెక్ష‌న్ క‌మిటీ. ఈ మేర‌కు అధికారికంగా బీసీసీఐ వెల్ల‌డించింది. మ‌రోసారి శిఖ‌ర్ ధావ‌న్ కు ఛాన్స్ ఇచ్చింది. ఇక టి20కి కెప్టెన్ గా హార్దిక్ పాండ్యాకు ప్ర‌మోష‌న్ ఇచ్చింది.
విచిత్రం ఏమిటంటే వ‌న్డే , టి20 జ‌ట్ల‌కు వైస్ కెప్టెన్ గా రిష‌బ్ పంత్ కు అవ‌కాశం ఇచ్చింది. ఇదిలా ఉండ‌గా సంజూ శాంసన్ ను ఇరు ఫార్మాట్ ల‌కు ఎంపిక చేయ‌డం విశేషం. ఇక కీవీస్ టూర్ లో భాగంగా భార‌త జ‌ట్టు(Team India Squad) మూడు టి20లు, మూడు వ‌న్డే మ్యాచ్ లు ఆడుతుంది. రెండు సీరీస్ ల‌కు సంబంధించి వేర్వేరు జ‌ట్ల‌ను ఎంపిక చేసింది.
టి20, వ‌న్డే జ‌ట్ల‌కు 16 మందితో కూడిన జ‌ట్ల‌ను ఎంపిక చేసిన‌ట్లు వెల్ల‌డించారు సెల‌క్ష‌న్ క‌మిటీ చైర్మ‌న్ చేత‌న్ శ‌ర్మ. ఇదిలా ఉండ‌గా ఇరు జ‌ట్ల‌లో రోహిత్ శ‌ర్మ, కేఎల్ రాహుల్, విరాట్ కోహ్లీకి పూర్తిగా విశ్రాంతి ఇచ్చిన‌ట్లు చెప్పారు. దినేష్ కార్తీక్ కు ఛాన్స్ ఇవ్వ‌లేదు. న‌వంబ‌ర్ 18, 20, 22 తేదీల్లో టి20 మ్యాచ్ లు కొన‌సాగుతాయి.
25,27,30 తేదీల్లో వ‌న్డే మ్యాచ్ లు కొన‌సాగుతాయి. జ‌ట్ల ప‌రంగా వివ‌రాలు ఇలా ఉన్నాయి.
టి20 జ‌ట్టుకు హార్దిక్ పాండ్యా కెప్టెన్, రిష‌బ్ పంత్ వైస్ కెప్టెన్. ఇషాన్ కిష‌న్ , గిల్, దీప‌క్ హూడా, సూర్య కుమార్ యాద‌వ్, శ్రేయ‌స్ అయ్య‌ర్, సంజూ శాంసన్ , సుంద‌ర్ , చాహ‌ల్ , కుల్దీప్ యాద‌వ్ , హ‌ర్ష‌ల్ ప‌టేల్ , సిరాజ్ , భువ‌నేశ్వ‌ర్ కుమార్ , అర్ష్ దీప్ సింగ్ , ఉమ్రాన్ మాలిక్ ఎంపిక‌య్యారు.
వ‌న్డే జ‌ట్టుకు శిఖ‌ర్ ధావ‌న్ కెప్టెన్ కాగా రిష‌బ్ పంత్ వైస్ కెప్టెన్ . శుభ్ మ‌న్ గిల్ , దీప‌క్ హూడా, సూర్య కుమార్ యాద‌వ్ , శ్రేయ‌స్ అయ్య‌ర్, సంజూ శాంసన్ , వాషింగ్ట‌న్ సుంద‌ర్ , చాహ‌ల్ , కుల్దీప్ యాద‌వ్ , ఉమ్రాన్ మాలిక్, షాబాజ్ అహ్మ‌ద్ , కుల్ దీప్ సేన్ , షార్దూల్ ఠాకూర్ , దీప‌క్ చాహ‌ర్ ఆడ‌తారు.
Also Read : హోటల్ నిర్వాకం కోహ్లీ ఆగ్రహం